अ‍ॅपशहर

LoCवर जवानांनी पाकच्या चौक्यांच्या उडवल्या ठिकऱ्या

नियंत्रण रेषेवर (LoC) बर्फ वितळू लागल्याने दहशतवाद्यांच्या घुसखोरीचा पाक सैन्याचा डाव होता. पण भारतीय जवानांनी पाक सैन्याला खणखणीत उत्तर दिलं. कुपवाडामध्ये दहशतवाद्यांची घुसखोरी करण्यासाठी पाक सैन्याकडून प्रयत्न सुरू होता. यावेळी भारतीय लष्कराच्या जवानांनी रणगाडाविरोधी क्षेपणास्त्र डागून सीमेवर असलेल्या पाकच्या अनेक फॉरवर्ड पोस्ट उद्ध्वस्त केल्या. भारतीय लष्कराच्या कारवाईत पाकचे अनेक सैनिक ठार झाल्याचं सांगण्यात येतंय. भारतीय लष्कराने या कारवाईचा एक व्हिडिओ जारी केलाय.

महाराष्ट्र टाइम्स.कॉम 5 Mar 2020, 9:18 pm
श्रीनगरः नियंत्रण रेषेवर (LoC) बर्फ वितळू लागल्याने दहशतवाद्यांच्या घुसखोरीचा पाक सैन्याचा डाव होता. पण भारतीय जवानांनी पाक सैन्याला खणखणीत उत्तर दिलं. कुपवाडामध्ये दहशतवाद्यांची घुसखोरी करण्यासाठी पाक सैन्याकडून प्रयत्न सुरू होता. यावेळी भारतीय लष्कराच्या जवानांनी रणगाडाविरोधी क्षेपणास्त्र डागून सीमेवर असलेल्या पाकच्या अनेक फॉरवर्ड पोस्ट उद्ध्वस्त केल्या. भारतीय लष्कराच्या कारवाईत पाकचे अनेक सैनिक ठार झाल्याचं सांगण्यात येतंय. भारतीय लष्कराने या कारवाईचा एक व्हिडिओ जारी केलाय.
महाराष्ट्र टाइम्स.कॉम Indian Army troops


सीमेवर शस्रसंधीचे उल्लंघन करत पाकिस्तानी सैन्याकडून सतत मोठ्या प्रमाणावर गोळीबार सुरू आहे. पाकिस्तानी सैन्याकडून उत्तर काश्मीर आणि केजी सेक्टरमध्ये मोठ्या प्रमाणावर दहशतवाद्यांच्या घुसखोरीसाठी प्रयत्न सुरू असल्याची माहिती भारतीय लष्कराच्या गुप्तचर विभागाला मिळाली होती. यामुळे भारतीय लष्कराच्या जवानांचा या भागात पहारा वाढवण्यात आला होता. याच दरम्यान पाकिस्तानी रेंजर्सनी सीमेवर जोरदार गोळीबार सुरू केला. या गोळीबार भारतीय लष्कराने दणक्यात प्रत्युत्तर दिलं. लष्कराने रणगाडाविरोधी क्षेपणास्र डागून पाकच्या चौक्याच उद्ध्वस्त केल्या. ही कारवाई कधी करण्यात आली हे अजून स्पष्ट झालेलं नाही.

संसदेत जिवंत काडतुसांसह घुसणारा ताब्यात

दहशतवाद्यांना आश्रय देणारे वडील-मुलगी अटकेत

पाकिस्तानचे मोठे नुकसान

भारतीय लष्कराच्या कारवाई पाकिस्तानी रेंजर्स आणि लष्कराचे अनेक जवान ठार झाल्याची माहिती आहे. भारतीय लष्कराच्या कारवाईत पाकच्या ३ ते ४ चौक्यांचे मोठे नुकसान झाले आहे. पण भारतीय लष्कराने फक्त कारवाईचा व्हिडिओ जारी केलाय. पाकचे किती नुकसान झाले याची अधिकृत माहिती समोर आलेली नाही.

केजी सेक्टरशिवाय पूंछ आणि राजौरीमध्ये भारतीय लष्कराने यापूर्वीही अशी कारवाई केलीय. शस्रसंधीचे उल्लंघ करून सतत गोळीबार करणाऱ्या पाकिस्तानी रेंजर्सना भारतीय लष्कराने बालाकोट, कुपवाडा आणि नौगाम सेक्टरमध्येही कारवाई करत या आधीही जोरदार प्रत्युत्तर दिलंय.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज