नवी दिल्ली : इराणचे परराष्ट्रमंत्री जावेद झरीफ यांनी मंगळवारी परराष्ट्रमंत्री सुषमा स्वराज यांची भेट घेतली. दोन्ही नेत्यांमध्ये तेलखरेदीबाबत चर्चा झाली. इराणकडून तेल खरेदी करण्याचा निर्णय लोकसभा निवडणुकीनंतर घेतला जाईल असे स्वराज यांनी झरीफ यांना सांगितले. इराणवर अमेरिकेने निर्बंध लादले असून, इराणकडून तेलखरेदी करू नये असा दबाव भारतावर आहे. त्या पार्श्वभूमीवर झरीफ हे भारत भेटीवर आले आहेत. समृद्ध युरेनियम आणि जड पाणी आयात करण्याशी संबंधित निर्णयांची घोषणा इराणचे अध्यक्ष हसन रुहानी यांनी आठ मे रोजी केली होती. याची माहिती झरीफ यांनी आज स्वराज यांना दिली. भारत व्यापारी हित, ऊर्जा सुरक्षा आणि आर्थिक हित लक्षात घेऊन इराणकडून तेल खरेदी करण्याबाबतचा निर्णय लोकसभा निवडणुकीनंतर घेईल, असे स्वराज यांनी त्यांना सांगितले.
इराणबरोबर भारताची चर्चा
इराणचे परराष्ट्रमंत्री जावेद झरीफ यांनी मंगळवारी परराष्ट्रमंत्री सुषमा स्वराज यांची भेट घेतली दोन्ही नेत्यांमध्ये तेलखरेदीबाबत चर्चा झाली...
MT 15 May 2019, 4:00 am