मटा ऑनलाइन वृत्त। नवी दिल्ली
भारतातील इंटरनेट वाढीचा वेग प्रेरणादायी असल्याची भावना गूगलचे सीईओ सुंदर पिचाई यांनी व्यक्त केली आहे. नवी दिल्ली येथील लघु-मध्यम उद्योजकांसाठी आयोजित एका कार्यक्रमात बोलताना पिचाई यांनी भारतातील इंटरनेटच्या वाढत्या वेगाविषयी मत व्यक्त करताना तो प्रेरणादायी असल्याचे म्हटले आहे.
भारतीय बाजारपेठेतील गुंतागुंतीच्या आवश्यक उपायांसाठी कंपनी बजावत असलेल्या धोरणात्मक आणि महत्त्वपूर्ण भूमिकांबद्दल बोलताना पिचाई म्हणाले की, '' जेव्हा आम्ही भारतातील समस्यांचे निराकरण करण्याचा प्रयत्न करत असतो, तेव्हा आम्ही खऱ्या अर्थाने जगभरातील प्रत्येकासाठी समस्यांचे निराकरण कसे करायचे हेच त्यातून शिकतो."
भारतातील लघु उद्योगांना मोठ्या संधी मिळवून देण्याची क्षमता इंटरनेट सुविधेत असल्याचेही पिचाई यांनी सांगितले. भारतातील लघु उद्योग इंटरनेटच्या मदतीने मोठे होऊ शकतात, असा ठाम विश्वास भारतीय वंशाच्या या गुगल सीईओंनी व्यक्त करताना आपल्या लघु व्यवसायाचा पसारा ऑनलाइन पद्धतीने वाढविणाऱ्या तीन 'प्रेरणादायी' लघु-मध्यम उद्योजकांच्या कथा उपस्थित प्रेक्षकांसमोर त्यांनी मांडला.
लघु आणि मध्यम उद्योग हे भारतीय अर्थव्यवस्थेचा कणा आहेत. देशाच्या विकासगतीला अधिक वेगवान करणाऱ्या या उद्योगांना 'डिजिटल सामर्थ्य' देऊन हा वेग वृद्धिंगत करण्यासाठी गुगल भारतासोबत भागीदारीसाठी अत्यंत उत्सुक असल्याचे मत पिचाई यांनी यावेळी व्यक्त केले.
लघु-मध्यम उद्योजकांसाठी आयोजित कार्यक्रमानिमित्त भारतात आलेले पिचाई या भेटीदरम्यान ५ जानेवारीला, त्यांनी शिक्षण घेतलेल्या आयआयटी, खरगपूरलाही भेट देणार आहेत. मागील ५ वर्षांपासून गूगल भारतीय बाजारपेठेतील घडामोडींवर लक्ष केंद्रित करून आहे. 'गूगल फॉर बिझनेस' आणि 'अ न्यू क्लाऊड रिजन' या आपल्या उत्पादनांसह कंपनी भारतात सुवर्णसंधीच्या शोधात असून कंपनीच्या या उत्पादनांची स्पर्धा जागतिक बाजारपेठेत स्थिरावलेल्या मायक्रोसॉफ्ट आणि अॅमेझॉन या वेब सेवा देणाऱ्या कंपन्यांशी असणार आहे.
भारतातील इंटरनेट वाढीचा वेग प्रेरणादायी असल्याची भावना गूगलचे सीईओ सुंदर पिचाई यांनी व्यक्त केली आहे. नवी दिल्ली येथील लघु-मध्यम उद्योजकांसाठी आयोजित एका कार्यक्रमात बोलताना पिचाई यांनी भारतातील इंटरनेटच्या वाढत्या वेगाविषयी मत व्यक्त करताना तो प्रेरणादायी असल्याचे म्हटले आहे.
भारतीय बाजारपेठेतील गुंतागुंतीच्या आवश्यक उपायांसाठी कंपनी बजावत असलेल्या धोरणात्मक आणि महत्त्वपूर्ण भूमिकांबद्दल बोलताना पिचाई म्हणाले की, '' जेव्हा आम्ही भारतातील समस्यांचे निराकरण करण्याचा प्रयत्न करत असतो, तेव्हा आम्ही खऱ्या अर्थाने जगभरातील प्रत्येकासाठी समस्यांचे निराकरण कसे करायचे हेच त्यातून शिकतो."
भारतातील लघु उद्योगांना मोठ्या संधी मिळवून देण्याची क्षमता इंटरनेट सुविधेत असल्याचेही पिचाई यांनी सांगितले. भारतातील लघु उद्योग इंटरनेटच्या मदतीने मोठे होऊ शकतात, असा ठाम विश्वास भारतीय वंशाच्या या गुगल सीईओंनी व्यक्त करताना आपल्या लघु व्यवसायाचा पसारा ऑनलाइन पद्धतीने वाढविणाऱ्या तीन 'प्रेरणादायी' लघु-मध्यम उद्योजकांच्या कथा उपस्थित प्रेक्षकांसमोर त्यांनी मांडला.
लघु आणि मध्यम उद्योग हे भारतीय अर्थव्यवस्थेचा कणा आहेत. देशाच्या विकासगतीला अधिक वेगवान करणाऱ्या या उद्योगांना 'डिजिटल सामर्थ्य' देऊन हा वेग वृद्धिंगत करण्यासाठी गुगल भारतासोबत भागीदारीसाठी अत्यंत उत्सुक असल्याचे मत पिचाई यांनी यावेळी व्यक्त केले.
लघु-मध्यम उद्योजकांसाठी आयोजित कार्यक्रमानिमित्त भारतात आलेले पिचाई या भेटीदरम्यान ५ जानेवारीला, त्यांनी शिक्षण घेतलेल्या आयआयटी, खरगपूरलाही भेट देणार आहेत. मागील ५ वर्षांपासून गूगल भारतीय बाजारपेठेतील घडामोडींवर लक्ष केंद्रित करून आहे. 'गूगल फॉर बिझनेस' आणि 'अ न्यू क्लाऊड रिजन' या आपल्या उत्पादनांसह कंपनी भारतात सुवर्णसंधीच्या शोधात असून कंपनीच्या या उत्पादनांची स्पर्धा जागतिक बाजारपेठेत स्थिरावलेल्या मायक्रोसॉफ्ट आणि अॅमेझॉन या वेब सेवा देणाऱ्या कंपन्यांशी असणार आहे.