लोहितपुर:
लोकसभा निवडणुकीच्या पहिल्या टप्प्यातील मतदान ११ एप्रिलपासून सुरू होणार आहे. पण काही ठिकाणी मतदान सुरू झालंय. आश्चर्य वाटलं ना? पण, होय...लोकसभा निवडणुकीसाठी मतदान प्रक्रियेला सुरुवातही झालीय. इंडो-तिबेट पोलीस दलाच्या (ITBP) ८० जवानांनी आज अरुणाचल प्रदेशातील लोहितपूरमध्ये अॅनिमल ट्रेनिंग स्कूलमधील मतदान केंद्रावर पोस्टल बॅलेटद्वारे मतदान केलं. आयटीबीपीचे डीआयजी (एटीएस) सुधाकर नटराजन यांनी प्रथम मतदान केलं, अशी माहिती आयटीबीपीच्या प्रवक्त्यांनी दिली. पोस्टल बॅलेट २३ मे रोजी मतमोजणीच्या दिवशी संबंधित लोकसभा मतदारसंघांमध्ये पाठवण्यात येतील. अरुणाचल प्रदेशमधील दुर्गम भागात कार्यरत असलेल्या आयटीबीपीच्या दुसऱ्या युनिटमधील जवानही पोस्टल बॅलेटद्वारे मतदानाचा हक्क बजावणार आहेत. याशिवाय निवडणूक अधिकारी आणि त्रिपुरात दोन टप्प्यांत होणाऱ्या निवडणुकांसाठी तैनात जवान आज आणि उद्या, १२ एप्रिलला मतदान करणार आहेत. सर्व्हिस व्होटरसाठी पश्चिम त्रिपुरा लोकसभा मतदारसंघात ८ एप्रिल आणि पूर्व त्रिपुरा मतदारसंघात १२ एप्रिलला पोस्टल बॅलेटद्वारे मतदान घेण्यात येणार आहे.
२०१४ च्या तुलनेत यंदाच्या लोकसभा निवडणुकीत सर्व्हिस व्होटरची संख्या वाढली आहे. जवळपास ३० लाख सर्व्हिस व्होटर आहेत. एकूण लोकसंख्येच्या तुलनेत हे प्रमाण ०.३३ टक्के आहे, अशी माहिती निवडणूक आयोगानं दिली होती.
लोकसभा निवडणुकीच्या पहिल्या टप्प्यातील मतदान ११ एप्रिलपासून सुरू होणार आहे. पण काही ठिकाणी मतदान सुरू झालंय. आश्चर्य वाटलं ना? पण, होय...लोकसभा निवडणुकीसाठी मतदान प्रक्रियेला सुरुवातही झालीय. इंडो-तिबेट पोलीस दलाच्या (ITBP) ८० जवानांनी आज अरुणाचल प्रदेशातील लोहितपूरमध्ये अॅनिमल ट्रेनिंग स्कूलमधील मतदान केंद्रावर पोस्टल बॅलेटद्वारे मतदान केलं.
२०१४ च्या तुलनेत यंदाच्या लोकसभा निवडणुकीत सर्व्हिस व्होटरची संख्या वाढली आहे. जवळपास ३० लाख सर्व्हिस व्होटर आहेत. एकूण लोकसंख्येच्या तुलनेत हे प्रमाण ०.३३ टक्के आहे, अशी माहिती निवडणूक आयोगानं दिली होती.