भीषण! बाईकची कारला मागून जोरदार धडक; बाईकस्वार हवेत उडाला; विंडशील्ड फोडून आत घुसला

इंदूर: मध्य प्रदेशच्या इंदूरमध्ये एका दुचाकीस्वारानं कारला मागून धडक दिली. दुचाकीस्वार हवेत उडाला आणि थेट कारची मागील काच फोडून आत शिरला. त्यामुळे त्याच्या शरीराचा निम्मा भाग कारच्या आत, तर उर्वरित निम्मा भाग कारच्या बाहेरील बाजूस राहिला. त्याला जवळच्या रुग्णालयात दाखल करण्यात आलं. त्याची प्रकृती गंभीर आहे.

इंदूरमधील बायपास रस्त्यावरील भंडारी रिसॉर्टजवळ गुरुवारी रात्री दहाच्या सुमारास हा अपघात झाला. धीरेंद्र असं दुचाकीस्वाराचं नाव आहे. धीरेंद्र भरधाव वेगानं देवासच्या दिशेनं निघाला होता. त्यावेळी त्यानं कारला मागून जोरदार धडक दिल्याची माहिती कनाडिया पोलीस ठाण्याचे प्रभारी जे. पी. जामरे यांनी दिली.
खेळ कुणाला दैवाचा कळला! जुळे भाऊ एकमेकांपासून ९०० किमी दूर; सारख्याच प्रकारे दोघांचा शेवट
अपघातात धीरेंद्र जबर जखमी झाला. त्याला रुग्णालयात दाखल करण्यात आलं. त्याच्या प्रकृतीत सुधारणा होत आहे. अपघात नेमका कोणत्या परिस्थितीत झाला ते जाणून घेण्यासाठी पोलीस धीरेंद्रचा जबाब नोंदवणार आहेत. परिसरातील सीसीटीव्हीदेखील तपासून पाहिले जात आहेत.
दीड वर्षांपूर्वी बायको गेली, दुसऱ्या संसारासाठी लगीनघाई; अचानक पोलीस आले, अंगणातूनच 'वरात'
धीरेंद्रनं ज्या कारला धडक दिली ती कार कान्हा प्रजापत चालवत होते. मागून येणारी दुचाकी भरधाव वेगात होती. दुचाकीस्वाराला मागे टाकून प्रजापत पुढे निघाले. मात्र थोड्याच वेळात त्यानं कारला मागून धडक दिली. धडक इतकी भीषण होती की धीरेंद्र कारची विंडशील्ड फोडून आत गेला.