धक्कादायक! माहिती आणि प्रसारण मंत्रालयाचे ट्विटर अकाउंट हॅक, एलान मस्कचा...

नवी दिल्ली : केंद्र सरकारला आज सकाळी सकाळी मोठा धक्का बसला केंद्रीय माहिती आणि प्रसारण मंत्रालयाचे ट्विटर अकाउंट हॅक करण्यात आले. काही वेळाने केंद्र सरकारने हे अकाउंट पूर्ववत केले. पण तोपर्यंत हॅकर्सनी माहिती आणि प्रसारण मंत्रालयाच्या ट्विटवर हँडलवर अनेक पोस्ट केल्या होत्या.

माहिती आणि प्रसारण मंत्रालयाचे ट्विटर हँडल हॅकर्सनी हॅक केले. अकाउंट हॅक केल्यावर हॅकर्सनी Bitcoin संदर्भातील एक लिंक शेअर केली. त्यावर टेस्ला कंपनीचे सीईओ एलन मस्क यांचा फोटो लावलेला होता. हॅकर्सनी लिंक शेअर करत संदेशही लिहिला. 'Something Amazing' असे हॅकर्सनी लिहिले. पण हा प्रकार लक्षात येताच माहिती आणि प्रसारण मंत्रालयाने तातडीने पावलं उचलली आहे. अकाउंट पूर्ववत केले.

हॅकर्सनी दिला रिप्लाय

हॅकर्सनी जी लिंक पोस्ट केली होती. त्यात रिप्लायमध्ये Great Job असे लिहिले होते. आता हे अकाउंट रिस्टोर करण्यात आले आहे. केंद्रीय माहिती आणि प्रसारण मंत्रालयाच्या ट्विटर हँडलवर १.४ दशलक्ष फॉलोअर्स आहेत.
PM मोदींचे अकाउंटही झाले होते हॅक

गेल्या वर्षी डिसेंबरमध्ये पंतप्रधान मोदींचे ट्विटर अकाउंटही हॅक करण्यात आले होते. त्यावेळीही हॅकर्सनी बिटकॉइन संदर्भात ट्विट केले होते. पंतप्रधान मोदींनी बिटकॉइनला कायदेशीर मंजुरी दिली, अशी पोस्ट हॅकर्सनी केली होती. पण पंतप्रधान मोदींचे हे तातडीने अकाउंट रिस्टोर करण्यात आले.


pm modi meeting with cms : भारत लॉकडाउनच्या दिशेने? PM मोदींनी बोलावली मुख्यमंत्र्यांसोबत बैठक, उद्धव ठाकरेही उपस्थित राहणार

केंद्र सरकार क्रिप्टोकरन्सी विधेयक

केंद्र सरकार क्रिप्टोकरन्सी विधेयक आणण्याच्या विचारात आहे. या विधेयकानुसार क्रिप्टोकरन्सीवर नियंत्रण आणण्याचा केंद्र सरकारचा प्रयत्न आहे. हे विधेयक केंद्र सरकार नुकत्याच झालेल्या संसदेच्या हिवाळी अधिवेशना मांडणार होतं. पण या विधेयकाला क्रिप्टोकरन्सीच्या समर्थकांकडून विरोध होत असल्याचं दिसतंय. भारतातील हजारो नागरिकांचीही क्रिप्टोकरन्सीमध्ये गुंतवणूक आहे.