वृत्तसंस्था, बेंगळुरू गगनयान या भारताच्या पहिल्या मानवीय अवकाश मोहिमेसाठी भारतीय अवकाश संशोधन संस्थेने स्वदेशी नवतंत्रज्ञान मागविले आहे. यामध्ये १८ प्रकारांतील तंत्रज्ञानाचे प्रस्ताव मागविण्यात आले आहेत. गगनयान मोहीम २०२२मध्ये पार पडणे अपेक्षित आहे. या मोहिमेसाठी हवाई दलातील चार वैमानिकांना रशियात मॉस्कोमध्ये प्रशिक्षण देण्यात येत आहे. हे चार वैमानिक भारताच्या पहिल्या स्वदेशी मोहिमेचे अंतराळवीर ठरू शकतात. हे प्रस्ताव पाठविण्यासाठी १५ जुलैची मुदत निश्चित करण्यात आली आहे. या प्रस्तावांची छाननी करण्यासाठी इस्रो छाननी समिती स्थापन करणार आहे. वैज्ञानिक लाभ, सुसंगतता, तांत्रिक घटक आणि किफायतशीरपणा या आधारे तंत्रज्ञाननिवड केली जाणार आहे. या क्षेत्रात हवे तंत्रज्ञान- किरणोत्सारामुळे होणारे अपाय निश्चित आणि सीमित करणे- अवकाशातील अन्न आणि त्या संबंधित तंत्रज्ञान- मानव आणि रोबोटिक इंटरफेस- पर्यावरणीय नियंत्रण - जीवरक्षक प्रणाली- दीर्घकालीन मोहिमांसाठी आवश्यक मानसशास्त्र- गुरुत्वीय तंत्रज्ञान सिम्युलेटर
'गगनयान'साठी मागवले नवतंत्रज्ञान
वृत्तसंस्था, बेंगळुरू गगनयान या भारताच्या पहिल्या मानवीय अवकाश मोहिमेसाठी भारतीय अवकाश संशोधन संस्थेने स्वदेशी नवतंत्रज्ञान मागविले आहे...
महाराष्ट्र टाइम्स.कॉम 25 Apr 2020, 4:00 am