श्रीनगर: विमानतळांवर हायअलर्ट, सुरक्षेत वाढ

श्रीनगर:

जम्मू-काश्मीरमधील श्रीनगर आणि अवंतीपोरा येथे दहशतवादी हल्ल्यासंदर्भात सुरक्षा यंत्रणांनी हायअलर्ट जारी केला आहे. सरकारी सूत्रांनुसार, श्रीनगर आणि अवंतीपोरा विमानतळाला लक्ष्य करण्याचा दहशतवाद्यांचा कट असल्याची सूचना इंटेलिजन्स संस्थांना मिळाली आहे. या विमानतळांवरची सुरक्षा व्यवस्था वाढवण्यात आली आहे.

लोकसभा निवडणुकांच्या पार्श्वभूमीवर देशभर कडेकोट सुरक्षा व्यवस्था आहे. शोपियान येथे काल झालेल्या दहशतवादी हल्ल्यानंतर इंटेलिजन्स एजन्सी हायअलर्टवर आहेत. शोपियान येथे चकमकीत एक जवान शहीद झाला होता. या चकमकीत तीन दहशतवादी ठार झाले.