नवी दिल्ली : अल्पबचत योजनांवरील व्याजदरात केंद्र सरकारने मंगळवारी रात्री मोठी कपात केली. ही कपात आज, एक एप्रिलपासून जूनपर्यंत अशा तीन महिन्यांसाठी लागू होणार आहे. यानुसार अल्पबचत योजनांवरील व्याजदरात ७० बेसिस पॉइंटस् (०.७ टक्के) आणि १४० (१.४ टक्के) बेसिस पॉइंटस्ने कमी केले आहेत. पोस्टाच्या विविध योजनांवरील व्याजदरात १.४ टक्के घट करण्यात आली आहे. पीपीएफवर आता ७.९ ऐवजी ७.१ टक्के व्याज मिळेल. सुकन्या समृद्धी योजनेवर ७.६ टक्के (आधीचा व्याजदर ८.४ टक्के) आणि मुदत ठेवींवर ५.५ ते ६.७ टक्के व्याज मिळणार आहे. पाच वर्षे मुदतठेवींवर ७.७ टक्क्यांऐवजी ६.७ टक्के व्याजदर मिळेल, तर तीन वर्षांसाठीच्या ठेवींवर ६.९ ऐवजी ५.५ टक्के व्याजदर मिळणार आहे. किसान विकास पत्रावर ७.६ ऐवजी ६.९ टक्के व्याज मिळणार आहे.
अल्पबचतीवरील व्याज घटले
अल्पबचत योजनांवरील व्याजदरात केंद्र सरकारने मंगळवारी रात्री मोठी कपात केली ही कपात आज, एक एप्रिलपासून जूनपर्यंत अशा तीन महिन्यांसाठी लागू होणार आहे...
महाराष्ट्र टाइम्स.कॉम 1 Apr 2020, 4:00 am