झाकीर नाईकला तूर्त दिलासा

नवी दिल्ली : वादग्रस्त इस्लामिक उपदेशक झाकीर नाईक याला भारतात आणण्याच्या प्रयत्नांना तूर्त खीळ बसली आहे. राष्ट्रीय तपास यंत्रणेने (एनआयए) विनंतीसोबत आरोपपत्र सादर न केल्याने इंटरपोलने झाकीरविरोधात रेड कॉर्नर नोटीस बजावण्यास नकार दिला आहे.

भारताने पाठवलेली किंवा त्यांच्याकडे असलेली झाकीरविषयीची माहिती त्यांच्या रेकॉर्डवरून हटवण्याची सूचनाही इंटरपोलने अन्य देशांच्या पोलिस यंत्रणांना केली आहे. आता आरोपपत्रासह नव्याने विनंती करणार असल्याचे एनआयएने म्हटले आहे.