वृत्तसंस्था, श्रीनगर
जम्मू-काश्मीरमधील पोलिस उपअधीक्षक महंमद अयुब पंडित यांच्या हत्येची चौकशी करण्यासाठी विशेष तपास पथकाची स्थापना करण्यात आली असून, त्याच्या प्रमुखपदी पोलिस अधीक्षक दर्जाच्या अधिकाऱ्याची नियुक्ती करण्यात आली आहे. दरम्यान, पंडित यांच्या हत्येप्रकरणी १२ आरोपींची ओळख पटली असून, त्यातील पाच जणांना अटक केल्याची माहिती पोलिसांनी दिली.
२२ जूनच्या मध्यरात्री श्रीनगरच्या प्रसिद्ध जामा मशिदीबाहेर जमावाने महंमद पंडित यांच्यावर हल्ला करून त्यांना नग्न केले आणि त्यांची दगडाने ठेचून हत्या केली. या हत्येचा जम्मू-काश्मीर आणि संपूर्ण देशभरातून तीव्र निषेध करण्यात आला. ‘या हत्येप्रकरणी १२ जणांची ओळख पटली असून, त्यातील पाच जणांना अटक केली आहे. शुक्रवारी दोन जणांना अटक करण्यात आली, तर तीन जणांना शनिवारी सकाळी ताब्यात घेण्यात आले. अटक झालेल्या पाच जणांपैकी दोघे जण हे पंडित यांनी केलेल्या गोळीबारात जखमी झाले आहेत. या हत्येतील एकालाही सोडले जाणार नाही. चौकशी पूर्ण झाल्यानंतर तथ्य बाहेर येईल,’ अशी माहिती पोलिस महासंचालक एस.पी. वैद यांनी दिली.
हुर्रियत परिषदेचा अध्यक्ष मिरवैझ उमर फारूख हा घटनेच्या वेळी तिथे उपस्थित होता का, असे विचारले असता, वैद म्हणाले, ‘या प्रकरणाची चौकशी सुरू आहे. हत्या ज्या ठिकाणी झाली, तेथील पोलिस अधीक्षक (उत्तर श्रीनगर) सज्जाद खालिक भट यांची बदली करण्यात आली. त्यांच्याऐवजी अतिरिक्त अधीक्षक (वाहतूक, शहर) सज्जाद अहमद शाह यांच्याकडे जबाबदारी देण्यात आली आहे.
‘बॅट’ पथकाची कार्यपद्धती उघड
पाकिस्तानच्या सीमा कृती दलाचे (बॅट) जवान व पाकिस्तानमधून येणारे दहशतवादी किती खालच्या पातळीला जाऊ शकतात याचे उदाहरण समोर आले आहे. पूँछमध्ये झालेल्या दहशतवादी हल्ल्यात या दहशतवाद्यांनी खास खंजीर आणले होते. या खंजीरांच्या मुठींवर कॅमेरा लावण्यात आला होता. तसेच ‘बॅट’च्या जवानांच्या हेडबँडमध्ये कॅमेराही आढळला आहे. हल्ल्याचे रेकॉर्डिंग करण्यासाठी याचा उपयोग झाल्याचे समोर आले आहे.
जम्मू-काश्मीरमधील पोलिस उपअधीक्षक महंमद अयुब पंडित यांच्या हत्येची चौकशी करण्यासाठी विशेष तपास पथकाची स्थापना करण्यात आली असून, त्याच्या प्रमुखपदी पोलिस अधीक्षक दर्जाच्या अधिकाऱ्याची नियुक्ती करण्यात आली आहे. दरम्यान, पंडित यांच्या हत्येप्रकरणी १२ आरोपींची ओळख पटली असून, त्यातील पाच जणांना अटक केल्याची माहिती पोलिसांनी दिली.
२२ जूनच्या मध्यरात्री श्रीनगरच्या प्रसिद्ध जामा मशिदीबाहेर जमावाने महंमद पंडित यांच्यावर हल्ला करून त्यांना नग्न केले आणि त्यांची दगडाने ठेचून हत्या केली. या हत्येचा जम्मू-काश्मीर आणि संपूर्ण देशभरातून तीव्र निषेध करण्यात आला. ‘या हत्येप्रकरणी १२ जणांची ओळख पटली असून, त्यातील पाच जणांना अटक केली आहे. शुक्रवारी दोन जणांना अटक करण्यात आली, तर तीन जणांना शनिवारी सकाळी ताब्यात घेण्यात आले. अटक झालेल्या पाच जणांपैकी दोघे जण हे पंडित यांनी केलेल्या गोळीबारात जखमी झाले आहेत. या हत्येतील एकालाही सोडले जाणार नाही. चौकशी पूर्ण झाल्यानंतर तथ्य बाहेर येईल,’ अशी माहिती पोलिस महासंचालक एस.पी. वैद यांनी दिली.
हुर्रियत परिषदेचा अध्यक्ष मिरवैझ उमर फारूख हा घटनेच्या वेळी तिथे उपस्थित होता का, असे विचारले असता, वैद म्हणाले, ‘या प्रकरणाची चौकशी सुरू आहे. हत्या ज्या ठिकाणी झाली, तेथील पोलिस अधीक्षक (उत्तर श्रीनगर) सज्जाद खालिक भट यांची बदली करण्यात आली. त्यांच्याऐवजी अतिरिक्त अधीक्षक (वाहतूक, शहर) सज्जाद अहमद शाह यांच्याकडे जबाबदारी देण्यात आली आहे.
‘बॅट’ पथकाची कार्यपद्धती उघड
पाकिस्तानच्या सीमा कृती दलाचे (बॅट) जवान व पाकिस्तानमधून येणारे दहशतवादी किती खालच्या पातळीला जाऊ शकतात याचे उदाहरण समोर आले आहे. पूँछमध्ये झालेल्या दहशतवादी हल्ल्यात या दहशतवाद्यांनी खास खंजीर आणले होते. या खंजीरांच्या मुठींवर कॅमेरा लावण्यात आला होता. तसेच ‘बॅट’च्या जवानांच्या हेडबँडमध्ये कॅमेराही आढळला आहे. हल्ल्याचे रेकॉर्डिंग करण्यासाठी याचा उपयोग झाल्याचे समोर आले आहे.