हैदराबाद: भारतीय अंतराळ संशोधन संस्थेनं (इस्रो) श्रीहरिकोटाच्या सतीश धवन अंतराळ केंद्रावरून आज, बुधवारी 'रिसॅट २ बीआर १' या भारतीय उपग्रहाचं प्रक्षेपण केलं. पीएसएलव्ही - सी ४८च्या माध्यमातून हा उपग्रह प्रक्षेपित करण्यात आला. या उपग्रहासह इस्रायल, इटली, जपान आणि अमेरिका या देशांचे एकूण नऊ उपग्रह अवकाशात पाठवण्यात आले आहेत. 'रिसॅट २ बीआर १' या उपग्रहावर पृथ्वीचे निरीक्षण करण्यासाठी एक्स बँड रडार बसवण्यात आलं आहे. कृषी, वन आणि आपत्ती व्यवस्थापनात या उपग्रहाचा उपयोग होणार आहे. हे प्रक्षेपण इस्त्रोसाठी महत्वाचं आहे. पीएसएलव्हीचं हे पन्नासावे उड्डाण आहे.
प्रक्षेपकामधून रडारचा समावेश असणाऱ्या 'रिसॅट २ बीआर १' या भारतीय उपग्रहासह इस्रायल, इटली, जपान आणि अमेरिका या देशांच्या एकूण नऊ उपग्रहांनाही अवकाशात पाठवण्यात आले. श्रीहरिकोटाहून प्रक्षेपित करण्यात येणारे हे ७५वे प्रक्षेपक आहे. भारतासह एकूण दहा उपग्रह अवकाशात पाठवण्यात आले. त्यात इस्त्रायल, इटली आणि जपानचा प्रत्येकी एक आणि अमेरिकेचे सहा उपग्रह आहेत.
'पीएसएलव्ही' भरवशाचा प्रक्षेपक
'पीएसएलव्ही' हा भारताचा सर्वात भरवशाचा प्रक्षेपक मानला जातो. पृथ्वीभोवतीच्या ध्रुवीय कक्षेत १७५० किलोपर्यंतचे वजन वाहून नेण्याची पीएसएलव्हीची क्षमता आहे. ३२० टनांच्या या प्रक्षेपकाचे हे पन्नासावे उड्डाण आहे. चांद्रयान १ आणि मंगळयान या दोन अवकाश मोहिमाही पीएसएलव्हीनेच यशस्वीरीत्या प्रक्षेपित केल्या आहेत. तुलनेने कमी खर्च आणि प्रक्षेपणातील अचूकता लक्षात घेऊन जगभरातील अनेक विकसित देश आपले हलके उपग्रह अवकाशात पाठवण्यासाठी 'पीएसएलव्ही'ला पसंती देतात.
मार्च २०२० पर्यंत २३ मोहिमा नियोजित
येत्या मार्च २०२० पर्यंत इस्रोच्या १३ मोहिमा नियोजित आहेत. नुकतेच २७ नोव्हेंबरला पीएसएलव्ही सी ४७ च्या साह्याने कार्टोसॅट ३ या रिमोट सेन्सिंग उपग्रहासह अमेरिकेच्या १३ नॅनो उपग्रहाचे यशस्वी प्रक्षेपण झाले होते. फक्त दोन आठवड्यांच्या अंतराने हे प्रक्षेपण झाले.
‘पीएसएलव्ही’चे पन्नासावे उड्डाण
प्रक्षेपकामधून रडारचा समावेश असणाऱ्या 'रिसॅट २ बीआर १' या भारतीय उपग्रहासह इस्रायल, इटली, जपान आणि अमेरिका या देशांच्या एकूण नऊ उपग्रहांनाही अवकाशात पाठवण्यात आले. श्रीहरिकोटाहून प्रक्षेपित करण्यात येणारे हे ७५वे प्रक्षेपक आहे. भारतासह एकूण दहा उपग्रह अवकाशात पाठवण्यात आले. त्यात इस्त्रायल, इटली आणि जपानचा प्रत्येकी एक आणि अमेरिकेचे सहा उपग्रह आहेत.
'पीएसएलव्ही' भरवशाचा प्रक्षेपक
'पीएसएलव्ही' हा भारताचा सर्वात भरवशाचा प्रक्षेपक मानला जातो. पृथ्वीभोवतीच्या ध्रुवीय कक्षेत १७५० किलोपर्यंतचे वजन वाहून नेण्याची पीएसएलव्हीची क्षमता आहे. ३२० टनांच्या या प्रक्षेपकाचे हे पन्नासावे उड्डाण आहे. चांद्रयान १ आणि मंगळयान या दोन अवकाश मोहिमाही पीएसएलव्हीनेच यशस्वीरीत्या प्रक्षेपित केल्या आहेत. तुलनेने कमी खर्च आणि प्रक्षेपणातील अचूकता लक्षात घेऊन जगभरातील अनेक विकसित देश आपले हलके उपग्रह अवकाशात पाठवण्यासाठी 'पीएसएलव्ही'ला पसंती देतात.
मार्च २०२० पर्यंत २३ मोहिमा नियोजित
येत्या मार्च २०२० पर्यंत इस्रोच्या १३ मोहिमा नियोजित आहेत. नुकतेच २७ नोव्हेंबरला पीएसएलव्ही सी ४७ च्या साह्याने कार्टोसॅट ३ या रिमोट सेन्सिंग उपग्रहासह अमेरिकेच्या १३ नॅनो उपग्रहाचे यशस्वी प्रक्षेपण झाले होते. फक्त दोन आठवड्यांच्या अंतराने हे प्रक्षेपण झाले.
‘पीएसएलव्ही’चे पन्नासावे उड्डाण