'इस्रो'नं केली स्क्रॅमजेट इंजिनची यशस्वी चाचणी

मटा ऑनलाइन वृत्त । श्रीहरिकोटा

भारतीय अवकाश संशोधन संस्थेनं (इस्रो) आज रविवारी श्रीहरिकोटा येथील उपग्रह प्रक्षेपण केंद्रातून स्वदेशी बनावटीच्या स्क्रॅमजेट इंजिनची यशस्वी चाचणी केली. हे इंजिन वातावरणातील ऑक्सिजनच्या मदतीने त्यातील इंधन प्रज्ज्वलित करते.

श्रीहरिकोटा येथील सतीश धवन उपग्रह प्रक्षेपण केंद्रातून निश्चित वेळेनुसार, सकाळी सहा वाजता दोन स्क्रॅमजेट इंजिन आरएच - ५६० या रॉकेटद्वारे ही चाचणी घेण्यात आली. पनर्वापरायोग्य आरएलव्ही यानात हे स्क्रॅमजेट इंजिन उपयोगात आणता येणार आहे. या इंजिनांमुळे प्रक्षेपण खर्च आणखी कमी होणार आहे, असे वैज्ञानिकांनी सांगितले.