वृत्तसंस्था, बंगळुरू
इस्रोच्या एका महत्त्वाकांक्षी योजनेअंतर्गत एकावेळी ३१ उपग्रह अंतराळात प्रक्षेपित करण्यात येणार आहेत. हे प्रक्षेपण १० जानेवारी रोजी करण्याची योजना आखण्यात आली आहे. मात्र तारखेत बदल होण्याची शक्यता असल्याचेही इस्रोने सांगितले आहे.
यावर्षी ऑगस्ट महिन्यात दिशादर्शक उपग्रह ‘आयआरएनएसएस-१एच’च्या प्रक्षेपणात इस्रोला मोठ्या अपयशाला तोंड द्यावे लागले होते. त्यानंतर प्रथमच संस्था पीएसएलव्ही मशिनवर काम करत आहे. त्यामुळे या प्रक्षेपणाकडे संपूर्ण देशाचे लक्ष लागले आहे. ‘हे प्रक्षेपण १० जानेवारी करण्याचा आमचा मनस आहे,’ अशी माहिती. इस्रो म्हणजेच भारतीय अवकाश संशोधन संस्थेच्या एका वरिष्ठ अधिकाऱ्याने दिली. आंध्र प्रदेशातील श्रीहरीकोटामधून हे प्रक्षेपण करण्यात येणार आहे. यावेळी परदेशातील २८ ‘नॅनो’ उपग्रहांसह फिन्लँड आणि अमेरिकेच्या प्रत्येकी एक, अत्यंत लहान आणि भारताच्या एका ‘नॅनो’ उपग्रहाचे प्रक्षेपण करण्यात येणार आहे, अशी माहितीही एका अधिकाऱ्याने दिली.
ऑगस्ट महिन्यात आयआरएनएसएस-१एच उपग्रहाचे प्रक्षेपण अखेरच्या टप्प्यात अयशस्वी ठरले होते. ‘इस्रो’चे अध्यक्ष किरण कुमार यांनी पत्रकार परिषदेत याबद्दलची माहिती दिली होती. उड्डाणाचे सुरुवातीचे टप्पे यशस्वीपणे पार पडल्यानंतर चौथ्या टप्प्यात अंतराळात प्रवेश करताना उपग्रहाभोवतीचे ‘हिट शिल्ड’चे आवरण वेगळे होणे, अपेक्षित होते. मात्र, तसे घडले नाही.
इस्रोच्या एका महत्त्वाकांक्षी योजनेअंतर्गत एकावेळी ३१ उपग्रह अंतराळात प्रक्षेपित करण्यात येणार आहेत. हे प्रक्षेपण १० जानेवारी रोजी करण्याची योजना आखण्यात आली आहे. मात्र तारखेत बदल होण्याची शक्यता असल्याचेही इस्रोने सांगितले आहे.
यावर्षी ऑगस्ट महिन्यात दिशादर्शक उपग्रह ‘आयआरएनएसएस-१एच’च्या प्रक्षेपणात इस्रोला मोठ्या अपयशाला तोंड द्यावे लागले होते. त्यानंतर प्रथमच संस्था पीएसएलव्ही मशिनवर काम करत आहे. त्यामुळे या प्रक्षेपणाकडे संपूर्ण देशाचे लक्ष लागले आहे. ‘हे प्रक्षेपण १० जानेवारी करण्याचा आमचा मनस आहे,’ अशी माहिती. इस्रो म्हणजेच भारतीय अवकाश संशोधन संस्थेच्या एका वरिष्ठ अधिकाऱ्याने दिली. आंध्र प्रदेशातील श्रीहरीकोटामधून हे प्रक्षेपण करण्यात येणार आहे. यावेळी परदेशातील २८ ‘नॅनो’ उपग्रहांसह फिन्लँड आणि अमेरिकेच्या प्रत्येकी एक, अत्यंत लहान आणि भारताच्या एका ‘नॅनो’ उपग्रहाचे प्रक्षेपण करण्यात येणार आहे, अशी माहितीही एका अधिकाऱ्याने दिली.
ऑगस्ट महिन्यात आयआरएनएसएस-१एच उपग्रहाचे प्रक्षेपण अखेरच्या टप्प्यात अयशस्वी ठरले होते. ‘इस्रो’चे अध्यक्ष किरण कुमार यांनी पत्रकार परिषदेत याबद्दलची माहिती दिली होती. उड्डाणाचे सुरुवातीचे टप्पे यशस्वीपणे पार पडल्यानंतर चौथ्या टप्प्यात अंतराळात प्रवेश करताना उपग्रहाभोवतीचे ‘हिट शिल्ड’चे आवरण वेगळे होणे, अपेक्षित होते. मात्र, तसे घडले नाही.