नवी दिल्ली :
भाजपचे वरिष्ठ नेते आणि माजी केंद्रीय मंत्री जगत प्रकाश नड्डा यांच्याकडे भाजप राष्ट्रीय कार्यकारी अध्यक्षपदाची धुरा देण्यात आली आहे. पंतप्रधान नरेंद्र मोदी यांच्या उपस्थितीत भाजप संसदीय मंडळाची आज बैठक झाली. या बैठकीत पक्षाचे कार्यकारी अध्यक्ष म्हणून नड्डा यांच्या नावावर एकमताने शिक्कामोर्तब करण्यात आले.
भाजप संसदीय मंडळाच्या बैठकीनंतर केंद्रीय संरक्षण मंत्री राजनाथ सिंह यांनी बैठकीतील निर्णयाची माहिती पत्रकारांना दिली. भाजपचे राष्ट्रीय अध्यक्ष अमित शहा यांच्या नेतृत्वाखाली पक्षाने अनेक निवडणुकांमध्ये यश संपादन केलं. मात्र, पंतप्रधानांनी शहा यांची गृहमंत्रिपदी नियुक्ती केल्यानंतर शहा यांनीच आपल्यावर असलेली पक्षाध्यक्षपदाची जबबादारी अन्य कुणालातरी देण्यात यावी, असे बोलून दाखवले होते. त्यानुसारच शहा यांच्यावरील भार काहीसा हलका करण्यासाठी कार्यकारी अध्यक्ष हे पद निर्माण करून त्याची धुरा जे. पी. नड्डा यांच्या हाती देण्याचा निर्णय आज संसदीय मंडळाने घेतला.
अमित शहा हेच पुढील सहा महिने भाजपचे राष्ट्रीय अध्यक्ष राहणार आहेत. त्यांच्या मार्गदर्शनाखाली नड्डा हे संघटनेचं दैनंदिन कामकाज पाहणार आहेत, असेही राजनाथ यांनी नमूद केले.
दरम्यान, मोदी सरकारच्या आधीच्या कार्यकाळात आरोग्य मंत्रिपदाची धुरा वाहणाऱ्या नड्डा यांची मोदी सरकार-२ मध्ये वर्णी लागली नव्हती. त्यामुळे नड्डा यांना पक्षात मोठी जबाबदारी दिली जाईल, असा कयास लावला जात होता.
भाजपचे वरिष्ठ नेते आणि माजी केंद्रीय मंत्री जगत प्रकाश नड्डा यांच्याकडे भाजप राष्ट्रीय कार्यकारी अध्यक्षपदाची धुरा देण्यात आली आहे. पंतप्रधान नरेंद्र मोदी यांच्या उपस्थितीत भाजप संसदीय मंडळाची आज बैठक झाली. या बैठकीत पक्षाचे कार्यकारी अध्यक्ष म्हणून नड्डा यांच्या नावावर एकमताने शिक्कामोर्तब करण्यात आले.
भाजप संसदीय मंडळाच्या बैठकीनंतर केंद्रीय संरक्षण मंत्री राजनाथ सिंह यांनी बैठकीतील निर्णयाची माहिती पत्रकारांना दिली. भाजपचे राष्ट्रीय अध्यक्ष अमित शहा यांच्या नेतृत्वाखाली पक्षाने अनेक निवडणुकांमध्ये यश संपादन केलं. मात्र, पंतप्रधानांनी शहा यांची गृहमंत्रिपदी नियुक्ती केल्यानंतर शहा यांनीच आपल्यावर असलेली पक्षाध्यक्षपदाची जबबादारी अन्य कुणालातरी देण्यात यावी, असे बोलून दाखवले होते. त्यानुसारच शहा यांच्यावरील भार काहीसा हलका करण्यासाठी कार्यकारी अध्यक्ष हे पद निर्माण करून त्याची धुरा जे. पी. नड्डा यांच्या हाती देण्याचा निर्णय आज संसदीय मंडळाने घेतला.
अमित शहा हेच पुढील सहा महिने भाजपचे राष्ट्रीय अध्यक्ष राहणार आहेत. त्यांच्या मार्गदर्शनाखाली नड्डा हे संघटनेचं दैनंदिन कामकाज पाहणार आहेत, असेही राजनाथ यांनी नमूद केले.
दरम्यान, मोदी सरकारच्या आधीच्या कार्यकाळात आरोग्य मंत्रिपदाची धुरा वाहणाऱ्या नड्डा यांची मोदी सरकार-२ मध्ये वर्णी लागली नव्हती. त्यामुळे नड्डा यांना पक्षात मोठी जबाबदारी दिली जाईल, असा कयास लावला जात होता.