मटा ऑनलाइन वृत्त । चेन्नई
अण्णा द्रमुकच्या नेत्या व तामिळनाडूच्या दिवंगत मुख्यमंत्री जयललिता यांना अखेरचा निरोप देण्यासाठी मंगळवारी चेन्नईत लोटलेला जनसागर हा देशभर चर्चेचा विषय ठरला आहे. त्याचबरोबर, चर्चा आहे ती जयललितांच्या अंत्यदर्शनासाठी बनविण्यात आलेल्या शवपेटीची. तामिळी जनतेच्या लाडक्या अम्माचा मृतदेह ठेवण्यासाठी सोन्याचा मुलामा दिलेली खास शवपेटी बनिवण्यात आली होती, अशी माहिती समोर आली आहे.
माजी पंतप्रधान नरसिंह राव, प्रख्यात तामिळी अभिनेते शिवाजी गणेशन आणि अभिनेत्री मनोरमा यांच्यासाठी शवपेट्या बनविणाऱ्या 'फ्लाइंग स्क्वॉड अँड होमेज' कंपनीनं जयललितांसाठी खास शवपेटी बनवली होती. ही शवपेटी चेन्नईतील राजाजी हॉलच्या प्रवेशद्वारावर किंचित उतरती ठेवण्यात आली होती. सर्वसामान्यांना जयललिता यांचं पार्थिव सहज दिसावं हा यामागचा उद्देश होता. शवपेटी उतरती ठेवल्यामुळं अम्माचं पार्थिव घसरून पडेल की काय, अशी भीती अनेकांना वाटत होती. मात्र, शवपेटीची अंतर्गत रचना इतकी कौशल्यानं करण्यात आली होती की ही पेटी उतरती ठेवूनही पार्थिवाला अजिबात धक्का लागला नाही. शवपेटीपासून दूर उभं राहूनही लोकांना अंत्यदर्शन घेता आलं.
मृतदेह दोन ते तीन दिवस सहज सुरक्षित राहील, अशा पद्धतीनं शवपेटीची रचना करण्यात आली होती. त्यातील तापमान ०-५ अंशांपर्यंत मर्यादित करण्यात आलं होतं. मृतदेहाला नुकसान पोहोचू नये वा दुर्गंधी येऊ नये म्हणून शवपेटीत फ्रिजर बॉक्स ठेवण्यात आला होता. बाहेरच्या बाजूस सोन्याचा मुलामा देण्यात आला होता. शवपेटी बनविणाऱ्या कंपनीचे व्यवस्थापकीय संचालक शांताकुमार यांनी स्वत: ही माहिती दिली.
शांताकुमार हे १९९४पासून शवपेट्यांच्या व्यवसायात आहेत. दक्षिण भारतातील ५००हून अधिक अतिमहत्त्वांच्या व्यक्तींसाठी शांताकुमार यांच्या कंपनीनं शवपेट्या बनवल्या आहेत. विशिष्ट आकाराच्या शवपेट्या बनविण्याचं पेटंटही त्यांच्या नावावर आहे.
अण्णा द्रमुकच्या नेत्या व तामिळनाडूच्या दिवंगत मुख्यमंत्री जयललिता यांना अखेरचा निरोप देण्यासाठी मंगळवारी चेन्नईत लोटलेला जनसागर हा देशभर चर्चेचा विषय ठरला आहे. त्याचबरोबर, चर्चा आहे ती जयललितांच्या अंत्यदर्शनासाठी बनविण्यात आलेल्या शवपेटीची. तामिळी जनतेच्या लाडक्या अम्माचा मृतदेह ठेवण्यासाठी सोन्याचा मुलामा दिलेली खास शवपेटी बनिवण्यात आली होती, अशी माहिती समोर आली आहे.
माजी पंतप्रधान नरसिंह राव, प्रख्यात तामिळी अभिनेते शिवाजी गणेशन आणि अभिनेत्री मनोरमा यांच्यासाठी शवपेट्या बनविणाऱ्या 'फ्लाइंग स्क्वॉड अँड होमेज' कंपनीनं जयललितांसाठी खास शवपेटी बनवली होती. ही शवपेटी चेन्नईतील राजाजी हॉलच्या प्रवेशद्वारावर किंचित उतरती ठेवण्यात आली होती. सर्वसामान्यांना जयललिता यांचं पार्थिव सहज दिसावं हा यामागचा उद्देश होता. शवपेटी उतरती ठेवल्यामुळं अम्माचं पार्थिव घसरून पडेल की काय, अशी भीती अनेकांना वाटत होती. मात्र, शवपेटीची अंतर्गत रचना इतकी कौशल्यानं करण्यात आली होती की ही पेटी उतरती ठेवूनही पार्थिवाला अजिबात धक्का लागला नाही. शवपेटीपासून दूर उभं राहूनही लोकांना अंत्यदर्शन घेता आलं.
मृतदेह दोन ते तीन दिवस सहज सुरक्षित राहील, अशा पद्धतीनं शवपेटीची रचना करण्यात आली होती. त्यातील तापमान ०-५ अंशांपर्यंत मर्यादित करण्यात आलं होतं. मृतदेहाला नुकसान पोहोचू नये वा दुर्गंधी येऊ नये म्हणून शवपेटीत फ्रिजर बॉक्स ठेवण्यात आला होता. बाहेरच्या बाजूस सोन्याचा मुलामा देण्यात आला होता. शवपेटी बनविणाऱ्या कंपनीचे व्यवस्थापकीय संचालक शांताकुमार यांनी स्वत: ही माहिती दिली.
शांताकुमार हे १९९४पासून शवपेट्यांच्या व्यवसायात आहेत. दक्षिण भारतातील ५००हून अधिक अतिमहत्त्वांच्या व्यक्तींसाठी शांताकुमार यांच्या कंपनीनं शवपेट्या बनवल्या आहेत. विशिष्ट आकाराच्या शवपेट्या बनविण्याचं पेटंटही त्यांच्या नावावर आहे.