jammu kashmir : काश्मीरमध्ये चकमकीत लष्कराचा अधिकारी शहीद, एक दहशतवादी ठार

श्रीनगरः जम्मू-काश्मीरच्या राजौरीत गुरुवारी दहशतवाद्यांशी झालेल्या चकमकीत लष्कराचा ज्युनिअर कमिशन अधिकारी (JCO) शहीद झाला आहे. या चकमकीत एका दहशतवाद्याचा खात्मा करण्यात यश आलं आहे.

थानामंडी भागात दहशतवादी असल्याची माहिती सुरक्षा दलांना मिळाली होती. या माहितीनंतर सुरक्षा दलाच्या जवानांकडून शोध मोहीम सुरू करण्यात आली. यावेळी दहशतवाद्यांनी सुरक्षा दलाच्या जवानांवर गोळीबार सुरू केला. जवानांनीही प्रत्युत्तर दिल्यानंतर चकमक सुरू झाली, अशी माहिती एका पोलिस अधिकाऱ्याने दिली.

चकमकीत राष्ट्रीय रायफल्सच्या एका जेसीओला गोळ्या लागल्या. यानंतर त्यांना तातडीने हॉस्पिटलमध्ये नेण्यात आलं. पण गंभीर जखमी झाल्यामुळे त्यांनी प्राण सोडले. या चकमकीत एक दहशतवादी ही ठार झाला, अशी माहिती जम्मूतील लष्कराचे जनसंपर्क अधिकारी लेफ्टनंट कर्नल देवेंद्र आनंद यांनी दिली.

yashwant sinha : आताचा तालिबान २००१ सारखा नाही, भारताने खुल्या दिलाने सामोरं जावंः यशवंत

अपनी पार्टी नेत्याची हत्या

जम्मू-काश्मीरमधील अपनी पार्टीच्या नेत्याची दहशतवाद्यांनी गुरुवारी संध्याकाळी गोळ्या घालून हत्या केली. गेल्या १० दिवसांतील ही चौथी घटना आहे. दक्षिण काश्मीरच्या देवरसमध्ये जम्मू-काश्मीर अपनी पार्टीचे नेते गुलाम हसन लोन यांची दहशतवाद्यांनी हत्या केली. जम्मू-काश्मीर अपनी पार्टीचे प्रमुख नेते अल्ताफ बुखारी यांनी या घटनेचा निषेध केला आहे.

'माझ्या मुलीला तालिबानपासून वाचवा', केरळमधील मातेची केंद्र सरकारकडे याचना