थोराड नवरदेव अन् तरुण नवरी, दोन्ही परिवार राजी; सुरू झाले फेरे; कारनामा ऐकून मुलीकडचे उडाले

रांची: झारखंडच्या रांचीमध्ये एक भयंकर प्रकार समोर आला आहे. अल्कामार कॉलनीमधून पोलिसांनी ५० वर्षीय व्यक्तीला अटक केली आहे. स्वत:ची खरी ओळख लपवून त्यानं गेल्या वर्षी डिसेंबरमध्ये बोकारो इथे एका अल्पवयीन मुलीशी लग्न करण्याचा प्रयत्न केला होता.

अस्लम खान असं आरोपीचं नाव असून तो मूळचा धनबादच्या भुलीचा रहिवासी आबे. आपण पोलीस असल्याची बतावणी करत त्यानं आतापर्यंत ६ विवाह केले आहेत. स्वत:ची ओळख सद्दाम अशी सांगत तो पोलिसांपासून पळत होता. '८ डिसेंबरला खान हरला पोलीस ठाण्याच्या हद्दीतील कुमहार टोली येथील एका अल्पवयीन मुलीशी लग्न करणार होता. मात्र लग्नविधीवेळी त्याची खरी ओळख मुलीकडच्यांना समजली. नवरदेव हिंदू नसून त्यानं त्याची ओळख खोटी करून दिल्याचं वधू पक्षाला समजलं,' अशी माहिती डीसीपी कुलदीप कुमार यांनी दिली.
नवरदेव फेशियलसाठी पार्लरमध्ये गेला, परतलाच नाही; कुटुंबानं भलताच तोडगा काढला
पोलीस घटनास्थळी पोहोचण्यापूर्वी खान तिथून पळून गेला. पोलिसांनी घटनास्थळावरून त्याची कार जप्त केली. त्यामध्ये पोलिसांचा गणवेश होता. अल्पवयीन नवरीनं खानविरोधात एफआयआर नोंदवला. २०२१ मध्ये खानला अटक झाली होती. बोकारो जिल्ह्यातील एका प्रकरणात त्याला तुरुंगवारी घडली होती.
अरेरे! बाल्कनीत टेकून बसायला गेला; अंदाज चुकला, अनर्थ घडला; सहाव्या मजल्यावरून खाली पडला
खानविरोधात विविध पोलीस ठाण्यात ९ गुन्हे दाखल आहेत. त्यानं याआधी सहा विवाह केल्याची कबुली पोलिसांकडे दिली आहे. खान अनेकदा स्वत:ची ओळख जवान म्हणून करून द्यायचा आणि समोरच्यांकडून पैसे उकळायचा, अशी माहितीदेखील पोलीस चौकशीतून समोर आली आहे.