मटा ऑनलाइन वृत्त । श्रीनगर
लष्करात किंवा पोलिसांत भरती झालात तर खबरदार, अशा धमक्या देणाऱ्या दहशतवाद्यांना ठेंगा दाखवत काश्मिरी तरुण-तरुणींनी पोलीस भरतीसाठी रांगा लावल्याचं दिलासादायक चित्र शनिवारी पाहायला मिळालं. जम्मू-काश्मीर पोलीस खात्यात उपनिरीक्षक पदासाठी झालेल्या शारीरिक क्षमता चाचणीसाठी खोऱ्यातील दोन हजार तरुण-तरुणी सहभागी झाल्या होत्या.
जम्मू-काश्मीरच्या शोपियान जिल्ह्यात लष्कराचे तरुण-तडफदार अधिकारी लेफ्टनंट उमर फयाज यांची दहशतवाद्यांनी अपहरण करून हत्या केली होती. भारतीय लष्करापासून दूर राहा, असा गर्भित इशाराच त्यांनी काश्मिरींना दिला होता. परंतु, या घटनेला चार दिवस उलटत नाहीत, तोच काश्मिरी तरुणांनी आपले बुलंद इरादे स्पष्ट केलेत. आम्ही तुमच्या धमक्यांना भीक घालत नाही, हे त्यांनी कृतीतून दाखवून दिलंय. पोलीस उपनिरीक्षकाच्या ६९८ जागांकरिता तब्बल ६७,२१८ जणांनी अर्ज भरला आहे. त्यांच्यापैकी दोन हजार तरुण-तरुणींनी शनिवारी बख्शी स्टेडियममध्ये रांगा लावल्या होत्या.
मी दहशतवाद्यांशी लढायला तयार आहे. ते चुकीच्या मार्गाने जात आहेत आणि त्यांच्या आजारावर जालीम उपाय करणं आवश्यक आहे, असा निर्धार श्रीनगरचा पदवीधर तरुण मोहम्मद रफीक भट्टने व्यक्त केला. तर, स्थानिक महिलांची मदत करण्यासाठी पोलीस खात्यात येण्याची इच्छा नुसरत या तरुणीनं बोलून दाखवली. जम्मू-काश्मीर पोलिसांत काम करायची संधी मिळाली तर मी स्वतःला नशीबवान समजेन, असं फरझाना म्हणाली.
या तरुणांमधील देशप्रेम, जोश आणि जिद्द पाहिल्यास ते दहशतवाद्यांशी दोन हात करायला सज्ज असल्याचं जाणवतं. म्हणूनच त्यांना पोलीस खात्यापासून दूर ठेवण्यासाठी दहशतवादी प्रयत्नशील आहेत. पण, येत्या काळात काश्मीरमधील चित्र बदलण्याच्या आशा पोलीस भरतीच्या प्रतिसादामुळे निर्माण झाल्या आहेत.
लष्करात किंवा पोलिसांत भरती झालात तर खबरदार, अशा धमक्या देणाऱ्या दहशतवाद्यांना ठेंगा दाखवत काश्मिरी तरुण-तरुणींनी पोलीस भरतीसाठी रांगा लावल्याचं दिलासादायक चित्र शनिवारी पाहायला मिळालं. जम्मू-काश्मीर पोलीस खात्यात उपनिरीक्षक पदासाठी झालेल्या शारीरिक क्षमता चाचणीसाठी खोऱ्यातील दोन हजार तरुण-तरुणी सहभागी झाल्या होत्या.
जम्मू-काश्मीरच्या शोपियान जिल्ह्यात लष्कराचे तरुण-तडफदार अधिकारी लेफ्टनंट उमर फयाज यांची दहशतवाद्यांनी अपहरण करून हत्या केली होती. भारतीय लष्करापासून दूर राहा, असा गर्भित इशाराच त्यांनी काश्मिरींना दिला होता. परंतु, या घटनेला चार दिवस उलटत नाहीत, तोच काश्मिरी तरुणांनी आपले बुलंद इरादे स्पष्ट केलेत. आम्ही तुमच्या धमक्यांना भीक घालत नाही, हे त्यांनी कृतीतून दाखवून दिलंय. पोलीस उपनिरीक्षकाच्या ६९८ जागांकरिता तब्बल ६७,२१८ जणांनी अर्ज भरला आहे. त्यांच्यापैकी दोन हजार तरुण-तरुणींनी शनिवारी बख्शी स्टेडियममध्ये रांगा लावल्या होत्या.
मी दहशतवाद्यांशी लढायला तयार आहे. ते चुकीच्या मार्गाने जात आहेत आणि त्यांच्या आजारावर जालीम उपाय करणं आवश्यक आहे, असा निर्धार श्रीनगरचा पदवीधर तरुण मोहम्मद रफीक भट्टने व्यक्त केला. तर, स्थानिक महिलांची मदत करण्यासाठी पोलीस खात्यात येण्याची इच्छा नुसरत या तरुणीनं बोलून दाखवली. जम्मू-काश्मीर पोलिसांत काम करायची संधी मिळाली तर मी स्वतःला नशीबवान समजेन, असं फरझाना म्हणाली.
या तरुणांमधील देशप्रेम, जोश आणि जिद्द पाहिल्यास ते दहशतवाद्यांशी दोन हात करायला सज्ज असल्याचं जाणवतं. म्हणूनच त्यांना पोलीस खात्यापासून दूर ठेवण्यासाठी दहशतवादी प्रयत्नशील आहेत. पण, येत्या काळात काश्मीरमधील चित्र बदलण्याच्या आशा पोलीस भरतीच्या प्रतिसादामुळे निर्माण झाल्या आहेत.