मटा ऑनलाइन वृत्त । नवी दिल्ली
जवाहरलाल नेहरू विद्यापीठातील कथित देशविरोधी घोषणांप्रकरणी विद्यार्थी संघाचा अध्यक्ष कन्हैया कुमार याला १० हजार रुपयांचा दंड करण्यात आला आहे तर कन्हैयाचा सहकारी उमर खालिद याला एका शैक्षणिक सत्रासाठी विद्यापीठातून काढून टाकण्यात आलं आहे. दरम्यान, शिस्तभंग केल्याप्रकरणी अखिल भारतीय विद्यार्थी परिषदेच्या सौरभ शर्मा यालाही १० हजार रुपयांचा दंड करण्यात आला आहे.
कन्हैया, उमर यांच्याशिवाय जेएनयू विद्यार्थी संघाच्या अनिर्बान भट्टाचार्य याला १५ जुलैपर्यंत विद्यापीठातून बाहेरचा रस्ता दाखवण्यात आला आहे तसंच त्याला जेएनयूच्या कोणत्याही कोर्ससाठी पुढील पाच वर्षे प्रवेश दिला जाणार नाही. मुजीब गट्टू या अन्य एका विद्यार्थ्याची २ शैक्षणिक सत्रांसाठी विद्यापीठातून हकालपट्टी करण्यात आली आहे. जेएनयू विद्यार्थी संघाचा माजी अध्यक्ष आशुतोष कुमार याला २० हजार रुपये दंड करण्यात आला आहे. त्याला एक वर्षासाठी हॉस्टेलमधून काढण्यात आलं आहे.
शिस्तभंग केल्याप्रकरणी दोषी
जेएनयूत ९ फेब्रुवारी रोजी दहशतवादी अफझल गुरू तसेच मकबूल भट या दोघांच्या समर्थनासाठी कार्यक्रम आयोजित करण्यात आला होता. या कार्यक्रमात कथित स्वरूपात भारताच्या विरोधात घोषणा देण्यात आल्या होत्या. या घोषणांचा व्हिडिओही समोर आला होता. या व्हिडिओत खोडसाळपणे बदल करण्यात आल्याचा आरोपही नंतर झाला होता. या प्रकरणात जेएनयू विद्यार्थी संघाचा अध्यक्ष कन्हैया कुमार, उमर खालिद आणि अन्य विद्यार्थ्यांना अटकही झाली होती. या सर्वांवर देशद्रोहाचा आरोप लावण्यात आलेला आहे. सध्या हे सर्व विद्यार्थी जामिनावर सुटलेले असतानाच जेएनयूच्या अंतर्गत चौकशी समितीने आज याप्रकरणी २१ विद्यार्थ्यांना दोषी ठरवलं. या सर्वांवर शिस्तभंग केल्याप्रकरणी कारवाई करण्यात आली आहे.
जवाहरलाल नेहरू विद्यापीठातील कथित देशविरोधी घोषणांप्रकरणी विद्यार्थी संघाचा अध्यक्ष कन्हैया कुमार याला १० हजार रुपयांचा दंड करण्यात आला आहे तर कन्हैयाचा सहकारी उमर खालिद याला एका शैक्षणिक सत्रासाठी विद्यापीठातून काढून टाकण्यात आलं आहे. दरम्यान, शिस्तभंग केल्याप्रकरणी अखिल भारतीय विद्यार्थी परिषदेच्या सौरभ शर्मा यालाही १० हजार रुपयांचा दंड करण्यात आला आहे.
कन्हैया, उमर यांच्याशिवाय जेएनयू विद्यार्थी संघाच्या अनिर्बान भट्टाचार्य याला १५ जुलैपर्यंत विद्यापीठातून बाहेरचा रस्ता दाखवण्यात आला आहे तसंच त्याला जेएनयूच्या कोणत्याही कोर्ससाठी पुढील पाच वर्षे प्रवेश दिला जाणार नाही. मुजीब गट्टू या अन्य एका विद्यार्थ्याची २ शैक्षणिक सत्रांसाठी विद्यापीठातून हकालपट्टी करण्यात आली आहे. जेएनयू विद्यार्थी संघाचा माजी अध्यक्ष आशुतोष कुमार याला २० हजार रुपये दंड करण्यात आला आहे. त्याला एक वर्षासाठी हॉस्टेलमधून काढण्यात आलं आहे.
शिस्तभंग केल्याप्रकरणी दोषी
जेएनयूत ९ फेब्रुवारी रोजी दहशतवादी अफझल गुरू तसेच मकबूल भट या दोघांच्या समर्थनासाठी कार्यक्रम आयोजित करण्यात आला होता. या कार्यक्रमात कथित स्वरूपात भारताच्या विरोधात घोषणा देण्यात आल्या होत्या. या घोषणांचा व्हिडिओही समोर आला होता. या व्हिडिओत खोडसाळपणे बदल करण्यात आल्याचा आरोपही नंतर झाला होता. या प्रकरणात जेएनयू विद्यार्थी संघाचा अध्यक्ष कन्हैया कुमार, उमर खालिद आणि अन्य विद्यार्थ्यांना अटकही झाली होती. या सर्वांवर देशद्रोहाचा आरोप लावण्यात आलेला आहे. सध्या हे सर्व विद्यार्थी जामिनावर सुटलेले असतानाच जेएनयूच्या अंतर्गत चौकशी समितीने आज याप्रकरणी २१ विद्यार्थ्यांना दोषी ठरवलं. या सर्वांवर शिस्तभंग केल्याप्रकरणी कारवाई करण्यात आली आहे.