मटा ऑनलाइन वृत्त । पाटणा
जवाहरलाल नेहरू विद्यापीठातील विद्यार्थी संघटनेचा अध्यक्ष कन्हैया कुमार याच्या पाटणा येथे सुरु असलेल्या सभेत 'एबीव्हीपी'च्या कार्यकर्त्याने गोंधळ घातला. कन्हैयाने पंतप्रधान मोदींवर टीका करण्यास सुरूवात करताच एका युवकाने काळे झेंडे दाखवले आणि घोषणाबाजी सुरू केली. त्यानंतर त्याला पोलिसांच्या ताब्यात देण्यात आले.
पाटणा शहरातील श्रीकृष्ण मेमोरियल हॉलमध्ये त्याची सभा सुरु होती. भाषणाच्या दरम्यान कन्हैयाने पंतप्रधान नरेंद्र मोदींवर टीका करण्यास सुरूवात केली. मोदींनी परदेशातील काळा पैसा भारतात आणून, प्रत्येक भारतीय व्यक्तीला १५ लाख रुपये देण्याचे वचन दिले होते, असे कन्हैया म्हणताच एक युवकाने काळे झेंडे दाखवून विरोध करण्यास सुरूवात केली.
'एबीव्हीपी'च्या या कार्यकर्त्याला रोखण्यासाठी 'एआयएसएफ'चे समर्थक पुढे आले. त्यांनी कन्हैया कुमारला विरोध करणाऱ्या कार्यकर्त्याला मारहाण केली. त्यानंतर त्याला गांधी मैदान पोलिस ठाण्यात नेण्यात आले.
कन्हैयाच्या राजकीय भेटी!
पाटण्यात कन्हैया कुमारने राज्यातील काही नेत्यांची भेट घेतली आहे. यात लालूप्रसाद यादव यांच्यासह अन्य प्रमुख नेत्यांचा समावेश आहे. राजकारणात येण्याची इच्छा आहे का आणि बिहारच्या राजकारणात तो भूमिका बजावेल का, असा प्रश्न पत्रकारांनी विचारला असता, 'माझ्या जन्म भूमीत येणे हा माझ्यासाठी आनंददायक प्रसंग आहे. राजकारणासंबंधात नंतर बोलू. राजकारण म्हणजे केवळ खासदार किंवा आमदार होणे नव्हे,' असे तो म्हणाला.
जवाहरलाल नेहरू विद्यापीठातील विद्यार्थी संघटनेचा अध्यक्ष कन्हैया कुमार याच्या पाटणा येथे सुरु असलेल्या सभेत 'एबीव्हीपी'च्या कार्यकर्त्याने गोंधळ घातला. कन्हैयाने पंतप्रधान मोदींवर टीका करण्यास सुरूवात करताच एका युवकाने काळे झेंडे दाखवले आणि घोषणाबाजी सुरू केली. त्यानंतर त्याला पोलिसांच्या ताब्यात देण्यात आले.
पाटणा शहरातील श्रीकृष्ण मेमोरियल हॉलमध्ये त्याची सभा सुरु होती. भाषणाच्या दरम्यान कन्हैयाने पंतप्रधान नरेंद्र मोदींवर टीका करण्यास सुरूवात केली. मोदींनी परदेशातील काळा पैसा भारतात आणून, प्रत्येक भारतीय व्यक्तीला १५ लाख रुपये देण्याचे वचन दिले होते, असे कन्हैया म्हणताच एक युवकाने काळे झेंडे दाखवून विरोध करण्यास सुरूवात केली.
'एबीव्हीपी'च्या या कार्यकर्त्याला रोखण्यासाठी 'एआयएसएफ'चे समर्थक पुढे आले. त्यांनी कन्हैया कुमारला विरोध करणाऱ्या कार्यकर्त्याला मारहाण केली. त्यानंतर त्याला गांधी मैदान पोलिस ठाण्यात नेण्यात आले.
कन्हैयाच्या राजकीय भेटी!
पाटण्यात कन्हैया कुमारने राज्यातील काही नेत्यांची भेट घेतली आहे. यात लालूप्रसाद यादव यांच्यासह अन्य प्रमुख नेत्यांचा समावेश आहे. राजकारणात येण्याची इच्छा आहे का आणि बिहारच्या राजकारणात तो भूमिका बजावेल का, असा प्रश्न पत्रकारांनी विचारला असता, 'माझ्या जन्म भूमीत येणे हा माझ्यासाठी आनंददायक प्रसंग आहे. राजकारणासंबंधात नंतर बोलू. राजकारण म्हणजे केवळ खासदार किंवा आमदार होणे नव्हे,' असे तो म्हणाला.