'जेएनयू'त परीक्षांवर बहिष्कार कायम

नवी दिल्ली : 'जवाहरलाल नेहरू विद्यापीठात (जेएनयू) आंदोलन करत असलेल्या विद्यार्थ्यांनी गुरुवारपासून सुरू झालेल्या परीक्षांवर बहिष्कार कायम ठेवला आहे. तसेच 'मागण्या मान्य केल्याखेरीज विद्यापीठाची प्रशासकीय इमारत रिकामी होणार नाही', असे विद्यार्थी संघटनेचा सरचिटणीस सतीशचंद्र यादवने सांगितले. गुरुवारपासून सुरू झालेल्या परीक्षांवरही बहिष्कार कायम ठेवल्याचे यादवने सांगितले आहे

दरम्यान, कुलगुरू एम. जगदीश कुमार यांनी गुरुवारी विद्यार्थी प्रतिनिधी आणि प्राध्यापकांसोबत बैठक घेऊन चर्चा केली. मात्र या बैठकीतून काहीही निष्पन्न झाले नाही. विद्यापीठाची इमारत आंदोलनकर्त्या विद्यार्थ्यांनी रिकामी केल्याचे सांगत मी आणि इतर अधिकारी कामकाजासाठी पुन्हा कार्यालयात जाणार असल्याचा असा दावा विद्यापीठाचे कुलगुरू एम. जगदीश कुमार यांनी गुरुवारी केला. मात्र, विद्यार्थ्यांनी हा दावा फेटाळत 'आंदोलक विद्यार्थ्यांनी प्रशासकीय इमारत रिकामी केली नाही. वसतिगृह शुल्कवाढ मागे घेतल्याशिवाय आणि सर्व मागण्या मान्य केल्याशिवाय करणारही नाही,' अशी भूमिका स्पष्ट केली आहे.