वृत्तसंस्था, लॉस एंजल्स
नवजात बालकांसह लहान मुलांसाठी प्रसाधन साहित्याची निर्मिती करणारी जॉन्सन अँड जॉन्सन कंपनी अडचणीत येण्याची शक्यता आहे. आपण तयार करत असलेल्या बेबी पावडरमध्ये घातक अॅस्बेस्टॉस असल्याचे या कंपनीला अनेक दशकांपासून माहीत असल्याचे वृत्त रॉयटर्सने दिले आहे. अॅस्बेस्टॉसमुळे कर्करोग होण्याची शक्यता असते. दरम्यान, रॉयटरचे हे वृत्त एकतर्फी आणि चुकीचे असल्याचे स्पष्टीकरण कंपनीने केले आहे.
काही कागदपत्रे आणि पुराव्यांच्या आधारावर रॉयटर्सने आपल्या वृत्तात असे म्हटले आहे की, बेबी पावडरमध्ये अॅस्बेस्टॉस असल्याचे कंपनीचे अधिकारी, खाण व्यवस्थापक, वैज्ञानिक, डॉक्टर्स आणि वकिलांनादेखील माहीत होते. मात्र यापैकी कोणीही ही माहिती जगजाहीर केली नाही. आपल्याला मिळालेल्या कागदपत्रांची तसेच अन्य पुराव्यांची तपासणी केली असता साधारण १९७१ पासून ते सन २००० पर्यंत जॉन्सन अँड जॉन्सनच्या बेबी पावडरच्या कच्च्या मालात तसेच विक्रीसाठी बाजारात आलेल्या बेबी पावडरमध्ये अॅस्बेस्टॉस असल्याचे आढळले होते, असे या वृत्तात म्हटले आहे. दरम्यान, जॉन्सन अँड जॉन्सन कंपनीची पावडर वापरल्याने कर्करोग झाल्याचा दावा करीत अनेकांनी कंपनीवरोधात खटलाही दाखल केलेला आहे.
नवजात बालकांसह लहान मुलांसाठी प्रसाधन साहित्याची निर्मिती करणारी जॉन्सन अँड जॉन्सन कंपनी अडचणीत येण्याची शक्यता आहे. आपण तयार करत असलेल्या बेबी पावडरमध्ये घातक अॅस्बेस्टॉस असल्याचे या कंपनीला अनेक दशकांपासून माहीत असल्याचे वृत्त रॉयटर्सने दिले आहे. अॅस्बेस्टॉसमुळे कर्करोग होण्याची शक्यता असते. दरम्यान, रॉयटरचे हे वृत्त एकतर्फी आणि चुकीचे असल्याचे स्पष्टीकरण कंपनीने केले आहे.
काही कागदपत्रे आणि पुराव्यांच्या आधारावर रॉयटर्सने आपल्या वृत्तात असे म्हटले आहे की, बेबी पावडरमध्ये अॅस्बेस्टॉस असल्याचे कंपनीचे अधिकारी, खाण व्यवस्थापक, वैज्ञानिक, डॉक्टर्स आणि वकिलांनादेखील माहीत होते. मात्र यापैकी कोणीही ही माहिती जगजाहीर केली नाही. आपल्याला मिळालेल्या कागदपत्रांची तसेच अन्य पुराव्यांची तपासणी केली असता साधारण १९७१ पासून ते सन २००० पर्यंत जॉन्सन अँड जॉन्सनच्या बेबी पावडरच्या कच्च्या मालात तसेच विक्रीसाठी बाजारात आलेल्या बेबी पावडरमध्ये अॅस्बेस्टॉस असल्याचे आढळले होते, असे या वृत्तात म्हटले आहे. दरम्यान, जॉन्सन अँड जॉन्सन कंपनीची पावडर वापरल्याने कर्करोग झाल्याचा दावा करीत अनेकांनी कंपनीवरोधात खटलाही दाखल केलेला आहे.