सिंचन अभियंत्याने ५० मुलांचे केले लैंगिक शोषण, पॉर्न साइटला विकले व्हिडिओ

नवी दिल्ली: सीबीआयने ( CBI ) उत्तर प्रदेशच्या पाटबंधारे विभागाच्या कनिष्ठ अभियंत्याला अटक केलीय. सुमारे ५० मुलांचं (५ ते १६ वयोगटातील) लैंगिक शोषण केल्याच्या आरोपावरून त्याला अटक करण्यात आली आहे. आरोपी कनिष्ठ अभियंता हा १० वर्षांहून अधिक काळापासून मुलांचं लैंगिक शोषण करत होता. मुलांच्या लैंगिक शोषणाचे व्हिडिओ आणि फोटो तो ऑनलाइन विकत होता. चित्रकूट, बांदा आणि हमीरपूर या तीन जिल्ह्यांमधील मुलांचे लैंगिक शोषण केल्याचा त्याच्यावर आरोप आहे. आरोपी कनिष्ठ अभियंत्याला बांदा जिल्ह्यात अटक करण्यात आली असून लवकरच त्याला न्यायालयात हजर केले जाईल.

सीबीआयने तपासात ८ मोबाइल फोन, सुमारे ८ लाख रुपयांची रोकड, सेक्स टॉयज, लॅपटॉप आणि मोठ्या प्रमाणात बाल लैंगिक अत्याचारासाठी वापरली जाणारं साहित्य जप्त केलं आहे. मोबाइल फोन किंवा इलेक्ट्रॉनिक गॅझेटचे आमिष दाखवून मुलांना गप्प करत होता, असं आरोपीने तपास करणाऱ्या अधिकाऱ्यांना सांगितलं.

करोना रुग्णावर रुग्णालयातच बलात्काराचा प्रयत्न, रुग्णालय कर्मचारी अटकेत

जानेवारी महिन्यात नॅशनल क्राइम रेकॉर्ड ब्युरोच्या (NCRB) आकडेवारीनुसार भारतात रोज १०० हून अधिक मुलांवर लैंगिक अत्याचार केले जातात. गेल्या वर्षाच्या तुलनेत सुमारे या वर्षी अशा अत्याचाराच्या घटनांमध्ये २२ टक्क्यांनी वाढ झाली आहे.

प्रथम ऑनलाइन मैत्री, नंतर न्यूड व्हिडिओ कॉल... अशा फसवतात ठग युवती