एनबीटी ब्युरो, भोपाळ/जयपूर
मध्य प्रदेश, राजस्थान आणि छत्तीसगड ही महत्त्वाची राज्ये काबीज केल्यानंतर तेथे सत्तास्थापनेसाठी काँग्रेसमधील हालचालींनी वेग घेतला असून, मध्य प्रदेशमध्ये मुख्यमंत्री म्हणून कमलनाथ यांची घोषणा झाली आहे. भोपाळ येथे झालेल्या काँग्रेस आमदारांच्या बैठकीत कमलनाथ यांची नेतेपदी निवड झाली. राजस्थान आणि छत्तीसगडच्या मुख्यमंत्र्यांबाबत मात्र अजून संभ्रम असून, काँग्रेस अध्यक्ष राहुल गांधी हेच आज, गुरुवारी त्यांच्या नावांची घोषणा करणार असल्याचे सूत्रांनी सांगितले. छत्तीसगडमध्ये भूपेश बघेल आणि टी. एस. सिंह देव यांच्यात मुख्यमंत्रिपदासाठी स्पर्धा आहे.
मध्य प्रदेशात १५ वर्षांनंतर काँग्रेस पक्ष सरकार स्थापण्याच्या तयारीत असताना मुख्यमंत्री कोण होणार, यावर दिवसभर काथ्याकूट करण्यात आला. भोपाळमध्ये विधिमंडळ पक्षाची बैठक झाली. त्यात मुख्यमंत्रिपदाच्या शर्यतीत असलेल्या ज्योतिरादित्य शिंदे यांनीच कमालनाथ यांच्या नावाचा प्रस्ताव मांडला आणि त्याला सगळ्यांनी अनुमोदन दिले, असे सूत्रांकडून सांगण्यात येतं. मुख्यमंत्री कोण असेल याचा निर्णय राहुल गांधी घेतील, असे विधिमंडळाच्या बैठकीत एकमताने ठरल्याचे काँग्रेसच्या प्रवक्त्या शोभा ओझा यांनी पत्रकार परिषदेत सांगितले.
गेहलोत की पायलट?
जयपूरमध्ये काँग्रेसच्या नवनिर्वाचित आमदारांनी विधिमंडळ पक्षाची बैठक घेऊन नेतानिवडीचे सर्वाधिकार काँग्रेस अध्यक्ष राहुल गांधी यांना बहाल केले. याबाबत एका ओळीचा ठराव करण्यात आला. मुख्यमंत्रिपदाचे प्रबळ दावेदार असलेले अशोक गेहलोत आणि सचिन पायलट हे दोन्ही नेते या वेळी उपस्थित होते. या स्पर्धेत गेहलोत यांचे नाव पुढे असले तरी पायलट यांना ६७ आमदार आणि १० अपक्षांचा पाठिंबा असल्याचे सांगण्यात येते.
बसप-सपाचा काँग्रेसला पाठिंबा
नवी दिल्ली : 'काँग्रेस पक्षाच्या विचारसरणीशी आम्ही सहमत नाही. मात्र, भाजपला सत्तेपासून दूर ठेवण्यासाठी मध्य प्रदेशात बहुजन समाज पक्षाचा काँग्रेसला पाठिंबा आहे. तसेच, आवश्यकता भासल्यास राजस्थानमध्येही सत्तास्थापनेसाठी बसप काँग्रेसला पाठिंबा देईल,' असे बसपच्या सर्वेसर्वा मायावती यांनी बुधवारी स्पष्ट केले. तसेच, मध्य प्रदेशात एक जागा मिळालेल्या समाजवादी पक्षाचे प्रमुख माजी मुख्यमंत्री अखिलेश यादव यांनीही काँग्रेसला पाठिंबा दिला आहे. या पाठिंब्यांमुळे
मध्य प्रदेशात काँग्रेसला मिळालेल्या ११४ जागांमध्ये बसपाच्या दोन, समाजवादी पक्षाच्या एक आणि चार अपक्षांच्या पाठिंब्याची भर पडली आहे. त्यामुळे, काँग्रेसकडील संख्याबळ १२१ इतके झाले आहे. बसप-सपाच्या पाठिंब्यामुळे बुधवारी दोन्ही राज्यांत काँग्रेसने राज्यपालांची भेट घेऊन सत्तेचा दावा केला आहे.
मध्य प्रदेश, राजस्थान आणि छत्तीसगड ही महत्त्वाची राज्ये काबीज केल्यानंतर तेथे सत्तास्थापनेसाठी काँग्रेसमधील हालचालींनी वेग घेतला असून, मध्य प्रदेशमध्ये मुख्यमंत्री म्हणून कमलनाथ यांची घोषणा झाली आहे. भोपाळ येथे झालेल्या काँग्रेस आमदारांच्या बैठकीत कमलनाथ यांची नेतेपदी निवड झाली. राजस्थान आणि छत्तीसगडच्या मुख्यमंत्र्यांबाबत मात्र अजून संभ्रम असून, काँग्रेस अध्यक्ष राहुल गांधी हेच आज, गुरुवारी त्यांच्या नावांची घोषणा करणार असल्याचे सूत्रांनी सांगितले. छत्तीसगडमध्ये भूपेश बघेल आणि टी. एस. सिंह देव यांच्यात मुख्यमंत्रिपदासाठी स्पर्धा आहे.
मध्य प्रदेशात १५ वर्षांनंतर काँग्रेस पक्ष सरकार स्थापण्याच्या तयारीत असताना मुख्यमंत्री कोण होणार, यावर दिवसभर काथ्याकूट करण्यात आला. भोपाळमध्ये विधिमंडळ पक्षाची बैठक झाली. त्यात मुख्यमंत्रिपदाच्या शर्यतीत असलेल्या ज्योतिरादित्य शिंदे यांनीच कमालनाथ यांच्या नावाचा प्रस्ताव मांडला आणि त्याला सगळ्यांनी अनुमोदन दिले, असे सूत्रांकडून सांगण्यात येतं. मुख्यमंत्री कोण असेल याचा निर्णय राहुल गांधी घेतील, असे विधिमंडळाच्या बैठकीत एकमताने ठरल्याचे काँग्रेसच्या प्रवक्त्या शोभा ओझा यांनी पत्रकार परिषदेत सांगितले.
गेहलोत की पायलट?
जयपूरमध्ये काँग्रेसच्या नवनिर्वाचित आमदारांनी विधिमंडळ पक्षाची बैठक घेऊन नेतानिवडीचे सर्वाधिकार काँग्रेस अध्यक्ष राहुल गांधी यांना बहाल केले. याबाबत एका ओळीचा ठराव करण्यात आला. मुख्यमंत्रिपदाचे प्रबळ दावेदार असलेले अशोक गेहलोत आणि सचिन पायलट हे दोन्ही नेते या वेळी उपस्थित होते. या स्पर्धेत गेहलोत यांचे नाव पुढे असले तरी पायलट यांना ६७ आमदार आणि १० अपक्षांचा पाठिंबा असल्याचे सांगण्यात येते.
बसप-सपाचा काँग्रेसला पाठिंबा
नवी दिल्ली : 'काँग्रेस पक्षाच्या विचारसरणीशी आम्ही सहमत नाही. मात्र, भाजपला सत्तेपासून दूर ठेवण्यासाठी मध्य प्रदेशात बहुजन समाज पक्षाचा काँग्रेसला पाठिंबा आहे. तसेच, आवश्यकता भासल्यास राजस्थानमध्येही सत्तास्थापनेसाठी बसप काँग्रेसला पाठिंबा देईल,' असे बसपच्या सर्वेसर्वा मायावती यांनी बुधवारी स्पष्ट केले. तसेच, मध्य प्रदेशात एक जागा मिळालेल्या समाजवादी पक्षाचे प्रमुख माजी मुख्यमंत्री अखिलेश यादव यांनीही काँग्रेसला पाठिंबा दिला आहे. या पाठिंब्यांमुळे
मध्य प्रदेशात काँग्रेसला मिळालेल्या ११४ जागांमध्ये बसपाच्या दोन, समाजवादी पक्षाच्या एक आणि चार अपक्षांच्या पाठिंब्याची भर पडली आहे. त्यामुळे, काँग्रेसकडील संख्याबळ १२१ इतके झाले आहे. बसप-सपाच्या पाठिंब्यामुळे बुधवारी दोन्ही राज्यांत काँग्रेसने राज्यपालांची भेट घेऊन सत्तेचा दावा केला आहे.