अ‍ॅपशहर

सत्याग्रहाला बसलेल्या कपिल मिश्रांवर हल्ला

अरविंद केजरीवाल यांच्या मंत्रिमंडळातून गच्छंती झालेले मंत्री कपिल मिश्रा यांच्यावर आज 'आप' समर्थकाकडून हल्ला करण्यात आला. कपिल मिश्रा यांनी 'आप'मधील भ्रष्टाचाराविरोधात आवाज उठवत आपल्या निवासस्थानीच 'सत्याग्रह' सुरू केला आहे. त्याठिकाणीच त्यांच्यावर हल्ला झाला. दरम्यान, हल्लेखोराला पोलिसांनी अटक केली आहे.

Maharashtra Times 10 May 2017, 7:16 pm
मटा ऑनलाइन वृत्त । नवी दिल्ली
महाराष्ट्र टाइम्स.कॉम kapil mishra attacked by aap supporter at his delhi residence
सत्याग्रहाला बसलेल्या कपिल मिश्रांवर हल्ला


अरविंद केजरीवाल यांच्या मंत्रिमंडळातून गच्छंती झालेले मंत्री कपिल मिश्रा यांच्यावर आज 'आप' समर्थकाकडून हल्ला करण्यात आला. कपिल मिश्रा यांनी 'आप'मधील भ्रष्टाचाराविरोधात आवाज उठवत आपल्या निवासस्थानीच 'सत्याग्रह' सुरू केला आहे. त्याठिकाणीच त्यांच्यावर हल्ला करून लाथा-बुक्के मारण्यात आले. दरम्यान, हल्लेखोराला पोलिसांनी अटक केली आहे.

हल्लेखोराचे नाव अंकित भारद्वाज असे असून आपण आप समर्थक असल्याचे त्याने सांगितले आहे. कपिल यांनी पक्षाशी आणि कार्यकर्त्यांशी गद्दारी केल्यानेच आपण त्यांच्यावर हल्ला केल्याची कबुली भारद्वाजने दिली.

कपिल मिश्रा यांनी या घटनेबाबत सांगताना या कार्यकर्त्याला आपण ओळखत नसल्याचे स्पष्ट केले. हा व्यक्ती धावत माझ्या दिशेने आला आणि त्याने माझ्यावर हल्ला केला. पोलिसांनी वेळीच त्याला ताब्यात घेतल्याने थोडक्यात निभावले, असेही कपिल मिश्रा म्हणाले. या व्यक्तीवर कुणीही हात उचलू नये असे मी माझ्या कार्यकर्त्यांना बजावल्याचेही मिश्रा यांनी नमूद केले.

दरम्यान, कपिल मिश्रा यांनी अरविंद केजरीवाल आणि आपवर भ्रष्टाचाराचे गंभीर आरोप केले आहेत. मंत्री सत्येंद्र जैन यांनी केजरीवाल यांना दोन कोटी रुपये दिल्याचे मी माझ्या डोळ्यांनी पाहिले आहे, असेही मिश्रा म्हणाले होते. त्यानंतर त्यांना पक्षातूनही निलंबित करण्यात आलेलं आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज