राष्ट्रपतींनी माझी शिक्षा माफ करावी: कर्नान

मटा ऑनलाइन वृत्त। कोलकाता

कोलकाता हायकोर्टाचे निवृत्त न्यायाधीश सी. एस. कर्नान लवकरच नवनिर्वाचित राष्ट्रपती रामनाथ कोविंद यांची भेट घेऊन आपली शिक्षा माफ करण्याची विनंती करणार आहेत. कर्नान यांनी राष्ट्रपती कोविंद यांना तसा अर्जही पाठवला आहे. सुप्रीम कोर्टाने कर्नान यांना सहा महिन्यांची शिक्षा ठोठावली आहे.

कर्नान यांचे वकील मॅथ्यूज जे नेदुंपारा यांनी राष्ट्रपती कार्यालयात कर्नान यांचे प्रतिनिधीत्व केले आहे. कर्नान यांना ठोठावण्यात आलेली शिक्षा माफ करावी असा अर्ज राष्ट्रपती कार्यालयाला सादर केल्याची माहिती मॅथ्यूज यांनी दिली आहे. या प्रकरणी आम्ही लवकरात लवकर राष्ट्रपतींची भेट घेणार असल्याचेही ते म्हणाले.

कर्नान यांचा हा अर्ज भारतीय राज्यघटनेच्या अनुच्छेद ७२ अंतर्गत सादर करण्यात आला आहे. निवृत्त न्यायाधीश कर्नान यांना सुप्रीम कोर्टाच्या ७ न्यायाधीशांच्या खंडपीठाने ९ मे या दिवशी सहा महिन्यांची शिक्षा ठोठावली होती. त्यानंतर कर्नान यांनी शिक्षेपासून वाचण्याचा प्रयत्न केला होता. त्यानंतर २० जूनला कर्नान यांना तामिळनाडूमधून अटक करण्यात आली होती.

निवृत्त न्यायाधीश कर्नान हे एखाद्या विद्यमान न्यायाधीशाला कारावासाची शिक्षा झालेले पहिलेच न्यायाधीश आहेत.