बेंगळुरू: कर्नाटक राज्यात टीपू सुलतान जयंती साजरी करू नये, असे आदेश नवनिर्वाचित मुख्यमंत्री बी. एस. येडियुरप्पा यांनी आज (मंगळवार) दिले. काल झालेल्या मंत्रिमंडळाच्या बैठकीत हा निर्णय घेण्यात आला. भारतीय जनता पक्षाचे (भाजप) आमदार बोपय्या यांनी टीपू सुलतान जयंती साजरी करण्याला विरोध दर्शवला होता. कर्नाटकात काँग्रेस-जेडीएस सरकारच्या काळात टीपू सुलतान जयंती धुमधडाक्यात साजरी करण्यात येत होती.
कर्नाटकात टीपू सुलताना जयंती सोहळ्यांना पूर्वीपासूनच भारतीय जनता पक्षाचा विरोध राहिलेला आहे. टीपू सुलतान हा कट्टर मुस्लीम शासक असल्याचे भाजपचे मत आहे. टीपू सुलतानाने अनेक मंदिरे तोडली, तसेच मोठ्या प्रमाणावर हिंदूंचे धर्मांतर केले असे भाजप आणि दक्षिणेतील विविध संघटनांचे म्हणणे आहे.
१८ व्या शतकात म्हैसूरचा शासक असलेल्या टीपू सुलतान याची जयंती दरवर्षी १० नोव्हेंबरला साजरी केली जाते.
कर्नाटकात टीपू सुलताना जयंती सोहळ्यांना पूर्वीपासूनच भारतीय जनता पक्षाचा विरोध राहिलेला आहे. टीपू सुलतान हा कट्टर मुस्लीम शासक असल्याचे भाजपचे मत आहे. टीपू सुलतानाने अनेक मंदिरे तोडली, तसेच मोठ्या प्रमाणावर हिंदूंचे धर्मांतर केले असे भाजप आणि दक्षिणेतील विविध संघटनांचे म्हणणे आहे.
१८ व्या शतकात म्हैसूरचा शासक असलेल्या टीपू सुलतान याची जयंती दरवर्षी १० नोव्हेंबरला साजरी केली जाते.