बेंगळुरू: कर्नाटक राज्यात ओमिक्रॉन व्हेरिएंटचे दोन रुग्ण आढळल्याने खळबळ उडाली आहे. ही बाब राज्य सरकारने गांभीर्याने घेतली असून आधीच्या कोविड नियमांत बदल करत नवीन गाइडलाइन्स जाहीर करण्यात आल्या आहेत. सध्या लॉकडाऊन सारखे कोणतेही कठोर पाऊल उचलण्यात आले नसले तरी काही बाबतीत जी शिथीलता देण्यात आली होती ती मागे घेऊन नियम अधिक कडक करण्यात आले आहेत. ( Omicron Variant In Karnataka Updates ) वाचा:'ते' १८ जण ओमिक्रॉनबाधित आहेत का?; केंद्राने दिली महत्त्वाची माहिती
भारतात ओमिक्रॉनचे पहिले दोन रुग्ण कर्नाटकात आढळले. गुरुवारी ही माहिती समोर आल्यानंतर आज लगेचच मुख्यमंत्री बसवराज बोम्मई यांनी वरिष्ठ मंत्री, साथरोग तज्ज्ञ आणि प्रमुख अधिकाऱ्यांची तातडीची बैठक घेतली. या बैठकीत कोविड नियम कडक करण्याबाबत निर्णय घेण्यात आला. त्यानुसार गाइडलाइन्स निश्चित करण्यात आल्या असून त्याबाबतचा आदेश लवकरच जारी केला जाणार आहे. महसूलमंत्री आर. अशोक यांनी या बैठकीचा तपशील माध्यमांना दिला.
वाचा: ओमिक्रॉनचा भारतात शिरकाव; 'या' राज्यात आढळले २ रुग्ण
राज्यात येणाऱ्या सर्व विमान प्रवाशांची विमानतळावर तपासणी करण्यात येणार आहे. त्यांची कोविड चाचणी निगेटिव्ह आली तरच त्यांना पुढचा प्रवास करता येणार आहे, असे अशोक यांनी नमूद केले. निर्बंधांबाबतही त्यांनी माहिती दिली. राज्यातील सर्व शैक्षणिक संस्थांमध्ये सांस्कृतिक कार्यक्रम, उत्सव, समारंभ आयोजित करण्यास १५ जानेवारीपर्यंत मनाई असेल. कोविडवरील दोन्ही लस घेतल्या आहेत अशाच व्यक्तींना आता मॉल, थीएटर, सिनेमागृह येथे प्रवेश दिला जाईल. सभा, बैठका, कोणतेही समारंभ, संमेलनं यात जास्तीत जास्त ५०० लोक उपस्थित राहू शकतात. जागेच्या क्षमतेनुसार ही संख्या मर्यादा असेल, असे अशोक यांनी सांगितले. मुलांना शाळेत सोडण्यासाठी पालक सोबत जाणार असतील तर त्यांचे पूर्ण लसीकरण झालेले असावे, असे त्यांनी स्पष्ट केले.
वाचा: ओमिक्रॉन डेल्टापेक्षा पाचपट घातक!; केंद्राने दिला 'हा' धोक्याचा इशारा
दरम्यान, कर्नाटकमध्ये ओमिक्रॉनचे जे दोन रुग्ण आढळले त्यापैकी एक रुग्ण दक्षिण आफ्रिकेचा नागरिक होता. तो माघारी गेला आहे तर दुसरा रुग्ण स्थानिक आहे. त्याची प्रकृती आता उत्तम असून त्याच्या संपर्कातील पाच जण पॉझिटिव्ह आढळले आहेत. त्या सर्वांचे नमुने जीनोम सीक्वेन्सिंगसाठी पाठवण्यात आले आहेत. त्याच्या अहवालाची प्रतीक्षा असल्याचेही अशोक यांनी सांगितले.
वाचा: ओमिक्रॉनमुळे भारतात पुन्हा लॉकडाऊन लागणार?; केंद्राकडून मिळाले 'हे' उत्तर
भारतात ओमिक्रॉनचे पहिले दोन रुग्ण कर्नाटकात आढळले. गुरुवारी ही माहिती समोर आल्यानंतर आज लगेचच मुख्यमंत्री बसवराज बोम्मई यांनी वरिष्ठ मंत्री, साथरोग तज्ज्ञ आणि प्रमुख अधिकाऱ्यांची तातडीची बैठक घेतली. या बैठकीत कोविड नियम कडक करण्याबाबत निर्णय घेण्यात आला. त्यानुसार गाइडलाइन्स निश्चित करण्यात आल्या असून त्याबाबतचा आदेश लवकरच जारी केला जाणार आहे. महसूलमंत्री आर. अशोक यांनी या बैठकीचा तपशील माध्यमांना दिला.
वाचा: ओमिक्रॉनचा भारतात शिरकाव; 'या' राज्यात आढळले २ रुग्ण
राज्यात येणाऱ्या सर्व विमान प्रवाशांची विमानतळावर तपासणी करण्यात येणार आहे. त्यांची कोविड चाचणी निगेटिव्ह आली तरच त्यांना पुढचा प्रवास करता येणार आहे, असे अशोक यांनी नमूद केले. निर्बंधांबाबतही त्यांनी माहिती दिली. राज्यातील सर्व शैक्षणिक संस्थांमध्ये सांस्कृतिक कार्यक्रम, उत्सव, समारंभ आयोजित करण्यास १५ जानेवारीपर्यंत मनाई असेल. कोविडवरील दोन्ही लस घेतल्या आहेत अशाच व्यक्तींना आता मॉल, थीएटर, सिनेमागृह येथे प्रवेश दिला जाईल. सभा, बैठका, कोणतेही समारंभ, संमेलनं यात जास्तीत जास्त ५०० लोक उपस्थित राहू शकतात. जागेच्या क्षमतेनुसार ही संख्या मर्यादा असेल, असे अशोक यांनी सांगितले. मुलांना शाळेत सोडण्यासाठी पालक सोबत जाणार असतील तर त्यांचे पूर्ण लसीकरण झालेले असावे, असे त्यांनी स्पष्ट केले.
वाचा: ओमिक्रॉन डेल्टापेक्षा पाचपट घातक!; केंद्राने दिला 'हा' धोक्याचा इशारा
दरम्यान, कर्नाटकमध्ये ओमिक्रॉनचे जे दोन रुग्ण आढळले त्यापैकी एक रुग्ण दक्षिण आफ्रिकेचा नागरिक होता. तो माघारी गेला आहे तर दुसरा रुग्ण स्थानिक आहे. त्याची प्रकृती आता उत्तम असून त्याच्या संपर्कातील पाच जण पॉझिटिव्ह आढळले आहेत. त्या सर्वांचे नमुने जीनोम सीक्वेन्सिंगसाठी पाठवण्यात आले आहेत. त्याच्या अहवालाची प्रतीक्षा असल्याचेही अशोक यांनी सांगितले.
वाचा: ओमिक्रॉनमुळे भारतात पुन्हा लॉकडाऊन लागणार?; केंद्राकडून मिळाले 'हे' उत्तर