अमित शहांचा राजीनामा घ्या किंवा क्रीडा मंत्रालय द्या; भाजप खासदाराच्या ट्विटने खळबळ

नवी दिल्ली: जम्मू-काश्मीरमध्ये गेल्या काही दिवसांपासून सुरू असलेल्या टार्गेट किलिंग (Target Killing Of Hindus)वर भाजपचे नेते आता स्वत:च्या सरकारवर भडकले आहेत. भाजपचे खासदार सुब्रमण्यम स्वामी (Subramanian Swamy) यांनी थेट देशाचे गृहमंत्री अमित शहा (amit shah ) यांच्यावर हल्ला चढवला. काश्मीरमध्ये गेल्या काही दिवसात दहशतवाद्यांकडून हिंदूंची हत्या केली जाते. दोन दिवसांपूर्वी एका बँक मॅनेजरची हत्या करण्यात आली होती.

काश्मीरमध्ये सुरू असलेल्या या टार्गेट किलिंगवर स्वामी संतापले आहेत. त्यांनी सोशल मीडियावर पोस्टद्वारे हा संताप व्यक्त केला. काश्मीरमध्ये राष्ट्रपती राजवट आहे आणि तरी देखील प्रत्येक दिवशी एका काश्मिरी हिंदूंची गोळ्या घालून हत्या केली जात आहे. यासाठी आता आमित शहांच्या राजीनाम्याची मागणी करणे गरजेचे झाले आहे किंवा त्यांना क्रीडा मंत्रालय दिले जाऊ शकते कारण आजकल त्यांना क्रिकेटमध्ये जास्त रस वाटू लागलाय. अमित शहा २९ मे रोजी झालेल्या आयपीएलच्या १५व्या हंगामाची फायनल मॅच पाहण्यासाठी अहमदाबादच्या नरेंद्र मोदी स्टेडियमवर गेले होते.

वाचा- टाटा IPL २०२२च्या फायनलमध्ये झाली मोठी फसवणूक; जय शहा यांच्यावर गंभीर आरोप


वाचा- काश्मिरी पंडितांवर पुन्हा स्थलांतराची वेळ; १८०० पंडितांसह तीन हजार कर्मचाऱ्यांनी काश्मीर सोडले

काश्मीरमध्ये गेल्या २० दिवसात दहशतवाद्यांनी ८ जणांची हत्या केली आहे. यात काश्मीरी पंडित आणि प्रवासी हिंदूंचा समावेश आहे. दहशतवाद्यांकडून गेल्या काही महिन्यांपासून टार्गेट किलिंग केले जातय. या घटनांवर आधी मोदी सरकारवर विरोधकांनी हल्ला चढवला होता. आता सरकारमधील काही जण अमित शहा यांच्यावर टीका करत आहेत.

वाचा- अवघ्या तीन महिन्यांचा संसार, लग्नाचा अल्बमही आला नव्हता; हिंदू बँक मॅनेजरच्या पत्नीचा आक्रोश