पंडितांची निदर्शने

जम्मू : काश्मीरमधून निर्वासित झाल्याच्या घटनेला २९ वर्षे पूर्ण झाल्यानिमित्त काश्मिरी पंडितांच्या एका गटाने शनिवारी येथील राजभवनासमोर निदर्शने केली. काश्मीर खोऱ्यात पंडितांच्या परतीसाठीची ब्लू-प्रिंट तयार करावी आणि पुनर्वसनाचा आराखडा तयार करावा, ही या गटाची प्रमुख मागणी होती.

'ऑल स्टेट काश्मिरी पंडित कॉन्फरन्स' या संघटनेच्या वतीने ही निदर्शने करण्यात आली. संघटनेचे अध्यक्ष रविंदर मीना यांनी राज्यपाल सत्यपाल मलिक यांना आपल्या मागण्यांचे निवेदन दिले.