पलक्कड :
कठुआतील बलात्काराच्या घटनेवर व्यंगचित्र काढल्याने पलक्कड येथील महिला चित्रकार दुर्गा मालठी हिला लक्ष्य करण्यात आलं आहे. तिच्या घरावर अज्ञात व्यक्तींनी दगडफेक केली असून घरासमोर उभ्या असलेल्या जीपच्या काचाही फोडण्यात आल्या आहेत. याप्रकरणी दुर्गाने पोलिसांत तक्रार नोंदवली असून अद्याप कुणालाही अटक करण्यात आलेली नाही. दरम्यान, मी या व्यंगचित्रांबद्दल कुणाचीही माफी मागणार नाही, असे दुर्गाने ठणकावले आहे.
दुर्गाने कठुआच्या घटनेवरून दोन चित्रं रेखाटली आहेत. यातून हिंदू देवतांचा तसेच भाजपचा अवमान करण्यात आल्याचा आरोप करत सोशल मीडियातून गेले काही दिवस दुर्गाविरोधात मोहीम उघडण्यात आली आहे. फेसबुकवरून तिच्याबद्दल अश्लाघ्य शब्दांत टीका केली जात आहे. एकीकडे हा विरोध होत असताना आता तिच्या घरावरच दगडफेक करण्यात आल्याने या प्रकरणाला नवे वळण लागले आहे.
याबाबत दुर्गाने पोलिसांत तक्रार दाखल केली असून मीडिया या संपूर्ण प्रकरणावर मौन बाळगून असल्याबद्दल नाराजी व्यक्त केली आहे. केवळ मलाच लक्ष्य केले जात नसून माझ्या चित्रावर प्रतिक्रिया देणाऱ्या माझ्या मित्रालाही धमक्या दिल्या जात आहेत, असे दुर्गा म्हणाली.
कठुआतील बलात्काराच्या घटनेवर व्यंगचित्र काढल्याने पलक्कड येथील महिला चित्रकार दुर्गा मालठी हिला लक्ष्य करण्यात आलं आहे. तिच्या घरावर अज्ञात व्यक्तींनी दगडफेक केली असून घरासमोर उभ्या असलेल्या जीपच्या काचाही फोडण्यात आल्या आहेत. याप्रकरणी दुर्गाने पोलिसांत तक्रार नोंदवली असून अद्याप कुणालाही अटक करण्यात आलेली नाही. दरम्यान, मी या व्यंगचित्रांबद्दल कुणाचीही माफी मागणार नाही, असे दुर्गाने ठणकावले आहे.
दुर्गाने कठुआच्या घटनेवरून दोन चित्रं रेखाटली आहेत. यातून हिंदू देवतांचा तसेच भाजपचा अवमान करण्यात आल्याचा आरोप करत सोशल मीडियातून गेले काही दिवस दुर्गाविरोधात मोहीम उघडण्यात आली आहे. फेसबुकवरून तिच्याबद्दल अश्लाघ्य शब्दांत टीका केली जात आहे. एकीकडे हा विरोध होत असताना आता तिच्या घरावरच दगडफेक करण्यात आल्याने या प्रकरणाला नवे वळण लागले आहे.
याबाबत दुर्गाने पोलिसांत तक्रार दाखल केली असून मीडिया या संपूर्ण प्रकरणावर मौन बाळगून असल्याबद्दल नाराजी व्यक्त केली आहे. केवळ मलाच लक्ष्य केले जात नसून माझ्या चित्रावर प्रतिक्रिया देणाऱ्या माझ्या मित्रालाही धमक्या दिल्या जात आहेत, असे दुर्गा म्हणाली.