केजरीवालांवर आरोपपत्र

नवी दिल्ली :

दिल्लीचे मुख्य सचिव अंशू प्रकाश यांचा अवमान केल्याच्या आरोपावरून दिल्ली पोलिसांनी दिल्लीचे मुख्यमंत्री अरविंद केजरीवाल आणि उपमुख्यमंत्री मनीष सिसोदिया यांच्यावर सोमवारी आरोपपत्र दाखल केले.

अतिरिक्त मुख्य महादंडाधिकाऱ्यासमोर दाखल केलेल्या या आरोपपत्रात आम आदमी पक्षाचे अमानतुल्ला खान यांच्यासह ११ जणांच्या नावांचा समावेश आहे. केजरीवाल व सिसोदिया यांनी मुख्य सचिवांना धमकाविण्याचा प्रयत्न केल्याचे सुमारे १३०० पानांच्या या आरोपपत्रात नमूद केले आहे.