केरळच्या पुट्टिंगल मंदिराच्या फटाकेबाजीने भीषण आग, स्फोट
वृत्तसंस्था, कोल्लम
केरळच्या परावूर पुट्टिंगल मंदिरात शतकभरापासून सुरू असलेल्या फटाक्यांच्या आतषबाजीच्या परंपरेने रविवारी पहाटे देवीच्या भक्तांवर अग्निघाला घातला. मनाई धुडकावून मंदिराजवळ रात्रभर आतषबाजी सुरू असतानाच, फटाक्यांचा प्रचंड साठा पेटून आगीने रौद्र रूप धारण केले व मंदिराच्या आवारातील इमारतच उद्ध्वस्त झाली. आगीत भाजून व इमारतीच्या ढिगाऱ्याखाली गाडले जाऊन १०६ भाविकांना जीव गमवावा लागला, तर तब्बल ३८३ जण जखमी झाले. या दुर्घटनेची व्याप्ती इतकी प्रचंड होती, की भाविकांना सुरक्षित स्थळी हलवण्यासाठी हवाई दल तसेच नौदलालाही मदतीसाठी धाव घ्यावी लागली.
दरवर्षीच्या प्रथेप्रमाणे पुट्टिंगल देवी मंदिराजवळ शनिवारी रात्री फटाक्यांची आतषबाजी आयोजित करण्यात आली होती. हा नेत्रदीपक सोहळा पाहण्यासाठी कोल्लम परिसरातील सुमारे १० हजार भाविक मंदिराजवळ जमले होते. मध्यरात्रीनंतर शोभिवंत फटाके फोडण्यास विधिवत सुरुवात झाली. सूर्यदर्शनापर्यंत फटाके फोडण्याची प्रथा असल्याने त्यासाठी मंदिराजवळच्याच एका गोदामात प्रचंड प्रमाणात फटाके साठवून ठेवण्यात आले होते. हा प्रकाशसोहळा पाहण्यासाठी याच गोदामाच्या इमारतीत व आसपास शेकडो भाविकांनी गर्दी केली होती. पण पहाटे साडेतीनच्या सुमारास काही जळके फटाके या गोदामावर पडले आणि त्याच्या ठिणग्यांमुळे क्षणार्धात गोदामातील फटाक्यांनीही पेट घेतला. यामुळे आजुबाजूच्या अनेक भाविकांचा भाजून जागीच मृत्यू झाला. या फटाक्यांची तीव्रता इतकी मोठी होती की, काही वेळातच ही इमारतच उद्ध्वस्त झाली व त्याच्या ढिगाऱ्याखाली अनेक जण गाडले गेले. १ किमी पट्ट्यातील परिसरात या स्फोटाने जमीनही हादरली व धुराचे ढग पसरले. मात्र सकाळी या दुर्घटनेचे भयावह रूप समोर आले. अस्ताव्यस्त पसरलेले मृतदेह, विव्हळत पडलेले जखमी आणि सुंदर मंदिर परिसराचे भग्नावशेष असे हृदय पिळवटून टाकणारे चित्र देशभरात पोहोचले.
मंदिर प्रशासनावर गुन्हा
या आतषबाजीसाठी कोणतीही परवानगी घेण्यात आली नव्हती. त्यामुळे मंदिर प्रशासनावर पोलिसांनी स्फोटके परवाना कायद्यानुसार हत्येचा प्रयत्न, सदोष मनुष्यवधाचा प्रयत्न असे गुन्हे दाखल केले आहेत. मात्र देवस्थान समितीचे सर्व १५ सदस्य या दुर्घटनेनंतर परागंदा झाले आहेत.
हवाई दल, नौदलाची धाव
बचाव व मदतकार्यात नौदल व हवाई दलाने मोलाची भूमिका बजावली. हवाई दलाने हवाई रुग्णवाहिका म्हणून सहा हेलिकॉप्टर व चार विमाने तैनात केली. त्यामुळे जखमींना कोल्लम व थिरुवनंतपुरम येथील रुग्णालयांत दाखल करण्याच्या कामास वेग आला. दुसरीकडे औषधांनी भरलेल्या आयएनस काब्रा, आयएनएस सुकन्या या युद्धनौका तसेच कल्पेनी ही नौका कोल्लमच्या किनारी धाडल्या.
न्यायालयीन चौकशी होणार
या दुर्घटनेची उच्च न्यायालयाच्या निवृत्त न्यायमूर्तींमार्फत चौकशी करण्याचा आदेश केरळचे मुख्यमंत्री ओमेन चंडी यांनी दिला आहे. तसेच मंदिर प्रशासनाविरुद्ध क्राइम ब्रँचतर्फेही चौकशी होणार आहे.
वृत्तसंस्था, कोल्लम
केरळच्या परावूर पुट्टिंगल मंदिरात शतकभरापासून सुरू असलेल्या फटाक्यांच्या आतषबाजीच्या परंपरेने रविवारी पहाटे देवीच्या भक्तांवर अग्निघाला घातला. मनाई धुडकावून मंदिराजवळ रात्रभर आतषबाजी सुरू असतानाच, फटाक्यांचा प्रचंड साठा पेटून आगीने रौद्र रूप धारण केले व मंदिराच्या आवारातील इमारतच उद्ध्वस्त झाली. आगीत भाजून व इमारतीच्या ढिगाऱ्याखाली गाडले जाऊन १०६ भाविकांना जीव गमवावा लागला, तर तब्बल ३८३ जण जखमी झाले. या दुर्घटनेची व्याप्ती इतकी प्रचंड होती, की भाविकांना सुरक्षित स्थळी हलवण्यासाठी हवाई दल तसेच नौदलालाही मदतीसाठी धाव घ्यावी लागली.
दरवर्षीच्या प्रथेप्रमाणे पुट्टिंगल देवी मंदिराजवळ शनिवारी रात्री फटाक्यांची आतषबाजी आयोजित करण्यात आली होती. हा नेत्रदीपक सोहळा पाहण्यासाठी कोल्लम परिसरातील सुमारे १० हजार भाविक मंदिराजवळ जमले होते. मध्यरात्रीनंतर शोभिवंत फटाके फोडण्यास विधिवत सुरुवात झाली. सूर्यदर्शनापर्यंत फटाके फोडण्याची प्रथा असल्याने त्यासाठी मंदिराजवळच्याच एका गोदामात प्रचंड प्रमाणात फटाके साठवून ठेवण्यात आले होते. हा प्रकाशसोहळा पाहण्यासाठी याच गोदामाच्या इमारतीत व आसपास शेकडो भाविकांनी गर्दी केली होती. पण पहाटे साडेतीनच्या सुमारास काही जळके फटाके या गोदामावर पडले आणि त्याच्या ठिणग्यांमुळे क्षणार्धात गोदामातील फटाक्यांनीही पेट घेतला. यामुळे आजुबाजूच्या अनेक भाविकांचा भाजून जागीच मृत्यू झाला. या फटाक्यांची तीव्रता इतकी मोठी होती की, काही वेळातच ही इमारतच उद्ध्वस्त झाली व त्याच्या ढिगाऱ्याखाली अनेक जण गाडले गेले. १ किमी पट्ट्यातील परिसरात या स्फोटाने जमीनही हादरली व धुराचे ढग पसरले. मात्र सकाळी या दुर्घटनेचे भयावह रूप समोर आले. अस्ताव्यस्त पसरलेले मृतदेह, विव्हळत पडलेले जखमी आणि सुंदर मंदिर परिसराचे भग्नावशेष असे हृदय पिळवटून टाकणारे चित्र देशभरात पोहोचले.
मंदिर प्रशासनावर गुन्हा
या आतषबाजीसाठी कोणतीही परवानगी घेण्यात आली नव्हती. त्यामुळे मंदिर प्रशासनावर पोलिसांनी स्फोटके परवाना कायद्यानुसार हत्येचा प्रयत्न, सदोष मनुष्यवधाचा प्रयत्न असे गुन्हे दाखल केले आहेत. मात्र देवस्थान समितीचे सर्व १५ सदस्य या दुर्घटनेनंतर परागंदा झाले आहेत.
हवाई दल, नौदलाची धाव
बचाव व मदतकार्यात नौदल व हवाई दलाने मोलाची भूमिका बजावली. हवाई दलाने हवाई रुग्णवाहिका म्हणून सहा हेलिकॉप्टर व चार विमाने तैनात केली. त्यामुळे जखमींना कोल्लम व थिरुवनंतपुरम येथील रुग्णालयांत दाखल करण्याच्या कामास वेग आला. दुसरीकडे औषधांनी भरलेल्या आयएनस काब्रा, आयएनएस सुकन्या या युद्धनौका तसेच कल्पेनी ही नौका कोल्लमच्या किनारी धाडल्या.
न्यायालयीन चौकशी होणार
या दुर्घटनेची उच्च न्यायालयाच्या निवृत्त न्यायमूर्तींमार्फत चौकशी करण्याचा आदेश केरळचे मुख्यमंत्री ओमेन चंडी यांनी दिला आहे. तसेच मंदिर प्रशासनाविरुद्ध क्राइम ब्रँचतर्फेही चौकशी होणार आहे.