डॉक्टर घरी पूजा करत राहिले; आरोग्य केंद्राबाहेर चिमुकल्यानं आईच्या कुशीत प्राण सोडले

जबलपूर: मध्य प्रदेशच्या जबलपूर जिल्ह्यातील बार्गीमध्ये धक्कादायक घटना घडली आहे. आरोग्य केंद्रातील डॉक्टर त्यांच्या घरात पूजा करण्यात व्यस्त असल्यानं पाच वर्षांच्या मुलाला वेळेत उपचार मिळाले नाहीत. उपचारांअभावी या मुलानं आईच्या कुशीत प्राण सोडला.

तिनहाटा गावचे रहिवासी असलेले संजय पांडे बार्गी येथील आरोग्य केंद्रात बुधवारी सकाळी १० च्या सुमारास पोहोचले. त्यांच्या पाच वर्षांच्या मुलाला अतिसाराचा त्रास सुरू होता. मात्र आरोग्य केंद्रात ड्युटी असलेले डॉक्टर लोकेश कुमार केंद्रावर नव्हते. पांडे यांनी बरेच तास वाट पाहिली. तिथल्या नर्सकडे विचारणा केली. लोकेश कुमार व्यस्त असल्याचं त्यांना समजलं.
सात महिने पगार नाही, मग नोकरीवरून काढलं; कारखान्याबाहेर एकाचवेळी ७ कामगार विष प्यायले
उपचार न मिळाल्यानं आपल्या भाच्याचा मृत्यू झाल्याचा आरोप पवन कुमार यांनी केला. लोकेश कुमार यांच्या घरात विशेष पूजा होती. त्यात ते व्यस्त असल्याचं आम्हाला समजलं. त्या दिवशी त्यांच्या पत्नीचा उपवास असल्यानं घरी पूजा ठेवण्यात आली होती, असं आम्हाला समजल्याचं पवन कुमार यांनी सांगितलं.

संजय पांडे आणि त्यांच्या कुटुंबाचा फोटो सोशल मीडियावर व्हायरल झाला. त्यावरून काँग्रेसचे नेते आणि माजी मुख्यमंत्री कमलनाथ यांनी भाजप सरकारला लक्ष्य केलं. उपचारांअभावी माणसांचा मृत्यू होतोय ही बाब धक्कादायक आहे. हे राज्य सरकारचं अपयश असून आरोग्य मंत्र्यांनी राजीनामा द्यायला हवा, अशी मागणी कमलनाथ यांनी केली.
पत्नी गेली माहेरी, बहिणीला डबा पाठवायला सांगितलं; त्यानंतर बांगडीवाल्यानं टोकाचं पाऊल उचललं
जबलपूरच्या जिल्हाधिकाऱ्यांनी मात्र वेगळाच दावा केला आहे. डॉक्टर ड्युटीवरच होते. बालकाला आरोग्य केंद्रावर आणण्याआधीच त्याचा मृत्यू झाला होता. आम्ही ही बाब बालकाच्या कुटुंबियांना सांगितली. मात्र त्यांचं कुटुंब सत्य स्वीकारण्यास तयार नव्हतं, असं जिल्हाधिकारी टी. इल्लायराजा यांनी सांगितलं.