मटा ऑनलाइन वृत्त । नवी दिल्ली
पंजाबमधील नाभा तुरुंगातून रविवारी सकाळी पळालेला खलिस्तानी दहशतवादी हरमिंदरसिंग मिंटू याला २४ तासांच्या आत अटक करण्यात आली आहे. दिल्ली येथे पोलिसांनी त्याच्या मुसक्या आवळल्याचं समजतं.
कडक सुरक्षाव्यवस्था असलेल्या नाभा तुरुंगावर रविवारी एका गटानं पोलिसांच्या वेशात येऊन सशस्त्र हल्ला चढवला होता. या हल्ल्याचा फायदा घेऊन मिंटू सहा कैद्यांना घेऊन पळाला होता. मिंटूला सोडविण्याचा कट रचणाऱ्या आणि तो तडीस नेणाऱ्या परमिंदरसिंग याला रविवारी संध्याकाळीच उत्तर प्रदेशातील शामली येथून अटक करण्यात आली. परमिंदरच्या अटकेमुळं मिंटूचा माग काढणे पोलिसांना सोपे गेले.
मिंटू हा खलिस्तान लिबरेशन फ्रंटचा म्होरक्या असून त्याच्यावर दहापेक्षाही अधिक गंभीर गुन्ह्यांची नोंद आहे. पंजाबमध्ये लवकरच विधानसभेच्या निवडणुका होणार आहेत. त्या पार्श्वभूमीवर फरार झालेल्या मिंटूला पकडणं अत्यंत आवश्यक होतं. त्यामुळं पोलिसांनीही तातडीनं हालचाली केल्या. त्याच्या प्रयत्नांना अखेर यश आलं आहे.
पंजाबमधील नाभा तुरुंगातून रविवारी सकाळी पळालेला खलिस्तानी दहशतवादी हरमिंदरसिंग मिंटू याला २४ तासांच्या आत अटक करण्यात आली आहे. दिल्ली येथे पोलिसांनी त्याच्या मुसक्या आवळल्याचं समजतं.
कडक सुरक्षाव्यवस्था असलेल्या नाभा तुरुंगावर रविवारी एका गटानं पोलिसांच्या वेशात येऊन सशस्त्र हल्ला चढवला होता. या हल्ल्याचा फायदा घेऊन मिंटू सहा कैद्यांना घेऊन पळाला होता. मिंटूला सोडविण्याचा कट रचणाऱ्या आणि तो तडीस नेणाऱ्या परमिंदरसिंग याला रविवारी संध्याकाळीच उत्तर प्रदेशातील शामली येथून अटक करण्यात आली. परमिंदरच्या अटकेमुळं मिंटूचा माग काढणे पोलिसांना सोपे गेले.
मिंटू हा खलिस्तान लिबरेशन फ्रंटचा म्होरक्या असून त्याच्यावर दहापेक्षाही अधिक गंभीर गुन्ह्यांची नोंद आहे. पंजाबमध्ये लवकरच विधानसभेच्या निवडणुका होणार आहेत. त्या पार्श्वभूमीवर फरार झालेल्या मिंटूला पकडणं अत्यंत आवश्यक होतं. त्यामुळं पोलिसांनीही तातडीनं हालचाली केल्या. त्याच्या प्रयत्नांना अखेर यश आलं आहे.