कोचर यांची ईडीकडून आठ तास चौकशी

नवी दिल्ली

आयसीआयसीआय बँकेच्या माजी सीईओ चंदा कोचर आणि त्यांचे पती दीपक कोचर यांची सोमवारी आठ तासांहून अधिक काळ अंमलबजावणी संचालनालयाने चौकशी केली. त्याच्याविरोधातील बँक कर्जघोटाळा आणि बेहिशेबी मालमत्ता प्रकरणात ते ईडीसमोर उपस्थित झाले होते. सकाळी अकरा वाजता ईडीच्या कार्यालयात दाखल झालेल्या दोघांची सुटका रात्री आठपूर्वी झाली.

व्हिडिओकॉन कंपनीला कर्ज देताना चंदा कोचर यांनी आपल्या पदाचा गैरवापर केल्याचा ठपका केंद्रीय अन्वेषण विभागानं ठेवत त्यांच्याविरोधात गुन्हा दाखल केला होता. हे प्रकरण उघडकीस आल्यानंतर गेल्या वर्षीच्या ऑक्टोबर महिन्यात चंदा कोचर यांनी आपल्या पदाचा राजीनामा दिला होता.