अरेरे! बाल्कनीत टेकून बसायला गेला; अंदाज चुकला, अनर्थ घडला; सहाव्या मजल्यावरून खाली पडला

जयपूर: राजस्थानच्या कोटामध्ये सहाव्या मजल्यावरून पडल्यानं एका विद्यार्थ्याचा मृत्यू झाला आहे. गुरुवारी रात्री सव्वा अकराच्या सुमारास ही घटना घडली. तीन मित्रांसोबत बाल्कनीत बसला असताना तरुण अचानक बाल्कनीतून खाली पडला. बाल्कनीच्या कट्ट्यावर बसण्याच्या प्रयत्नात असताना हा प्रकार घडला. बाल्कनीची जाळी तुटल्यानं तरुण सहाव्या मजल्यावरून खाली कोसळला.

गुरुवारी रात्री चार मित्र बाल्कनीत गप्पा मारत होते. काही वेळानं तीन मित्र आत जाण्यासाठी निघाले. त्यावेळी २० वर्षांचा इशांशु भट्टाचार्य बाल्कनीतील कट्ट्यावर बसायला गेला. बाल्कनीची जाळी मजूबत असेल, त्याला टेकून बसता येईल, या विचारानं इशांशु कट्ट्यावर बसायला गेला. मात्र त्याचा अंदाज चुकला. बाल्कनीची जाळी तुटली आणि इशांशु खाली कोसळला.
VIDEO: चिमुकल्या जीवाच्या आगमनाची चाहूल; जोडपं हॉस्पिटलकडे निघालं; कार पेटली, जिवंत जळालं
इशांशु हा मूळचा पश्चिम बंगालच्या जलपाईपुडी जिल्ह्याचा रहिवासी आहे. तो कोटा येथील जवाहर नगरात राहून नीटची तयारी करत होता. त्याचा मृतदेह भीमसिंह रुग्णालयाच्या शवागारात ठेवण्यात आला आहे. वात्सल्य रेसिडेन्सी हॉस्टेलच्या सहाव्या मजल्यावर इशांशु वास्तव्यास होता. गेल्या वर्षी ऑगस्ट महिन्यात तो इथे आला होता.

घटनेची माहिती मिळताच अन्य विद्यार्थी इमारतीखाली पोहोचले. विद्यार्थ्याला तलवंडीतील एका खासगी रुग्णालयात दाखल करण्यात आलं. तिथल्या डॉक्टरांनी त्याला मृत घोषित केलं, अशी माहिती डीएसपी अमर सिंह यांनी दिली. पोलिसांनी घटनेची माहिती इशांशुच्या कुटुंबीयांना दिली आहे. ते आल्यानंतर शवविच्छेदन करण्यात येईल. संपूर्ण घटना सीसीटीव्हीत कैद झाली आहे. हा प्रकार आत्महत्येचा नसल्याचं पोलिसांनी स्पष्ट केलं.
वाचवा वाचवा! मॅनेजरचा मदतीसाठी टाहो, १५ मिनिटं आक्रोश करत राहिला; मर्सिडीज कारनं जीव घेतला
वात्सल्य रेसिडेन्सी हॉस्टेल दहा मजल्यांचं आहे. बाल्कनीची जाळी कमकुवत असल्यानं ही घटना घडली. हॉस्टेलच्या प्रत्येक खोलीतील बाल्कनीला ऍल्युमिनियमची जाळी आहे. बाल्कनीत बसण्याची जागा आहे. फरशी आणि जाळ्यांमध्ये बरीच जागा सोडण्यात आली आहे. जाळ्या अतिशय कमकुवत आहेत. त्यामुळे जाळ्या पडण्याचा धोका आहे.