kumbh mela : कुंभमेळा; निर्वाणी आखाड्याचे महामंडलेश्वर कपिल देव यांचे करोनाने निधन

डेहराडूनः उत्तराखंडच्या हरिद्वारमध्ये सुरू असलेल्या कुंभमेळ्यात निर्वाणी आखाड्याचे महामंडलेश्वर कपिल देव यांचं करोनामुळे निधन झालं. महामंडलेश्वर कपिल देव हे मध्य प्रदेशातील चित्रकूटचे होते. कुंभमेळ्यात सहभागी होण्यासाठी ते हरिद्वारला गेले होते. करोना पॉझिटिव्ह आढळून आल्यानंतर त्यांना डेहराडूनच्या कैलाश हॉस्पिटलमध्ये उपचार करण्यात येत होते. हॉस्पिटल प्रशासनाने दिलेल्या माहितीनुसार बुधवारी त्यांचे निधन झाले. कुंभमेळ्यात करोनाने निधन होणारे कपिल देव हे पहिले मोठे संत आहेत.

हरिद्वारमध्ये ५ दिवसांत २१६७ पॉझिटिव्ह

उत्तराखंडच्या कोविड कंट्रोल रुमनुसार १० ते १४ एप्रिलदरम्यान हरिद्वारमध्ये २१६७ जण करोना पॉझिटिव्ह आढळून आले. इथे १२ आणि १४ एप्रिलला झालेल्या शाही स्नानासाठी हजारो नागरिक आले होते.

१९७४ नंतर प्रथमच सर्व १३ आखाजे बैसाखी शाही स्नानमध्ये पोहोचले

कुंभमेळ्यात 'बैसाखी शाही स्नान'मध्ये सर्व १३ आखाड्यांनी पवित्र स्नान केले. १९७४ असं प्रथमच घडलं आहे. बैसाखी स्नानाला ४ शाही स्नानपैकी सर्वात मोठे स्नान मानले जाते. २०१० ला या स्नानासाठी १.६० कोटी नागरिक आले होते. त्या तुलनेत यावेळी ६ लाख नागरिक आले होते, अशी माहिती कुंभमेळ्याच्या महानिरीक्षकांनी दिली.

करोनाचा 'कुंभ'मेळा : हरिद्वारमध्ये दोन दिवसांत १००० हून अधिक संक्रमित

कुंभमध्ये कठोर निर्बंधांची तयारी

करोनाच्या वाढत्या संसर्गात हरिद्वारमध्ये बुधवारी कुंभच्या शाही स्नानात १३ लाख नागरिकांनी गंगा स्नान केले. यानंतर करोना संसर्ग वाढल्याचं समोर आलं आहे. गर्दीमुळे करोना नियमांचं पालन होण्यास अनेक अडचणी येत आहेत. यामुळे सरकार कडक निर्बंध उचलण्याच्या तयारीत आहे.

Kumbh 2021 : कुंभमेळ्याची तुलना 'मरकझ'शी होऊच शकत नाही; मुख्यमंत्री रावतांची मुक्ताफळं

तिर्थयात्री आणि साधु-संत हे करोना पॉझिटिव्ह आढळून येत आहेत. यामुळे काही कठोर निर्बंध लावण्यात येण्याची शक्यता आहे. कुंभ यात्रेकरू आणि आखाड्यांमधील साधू-संतांची संख्या मर्यादीत केली जाऊ शकते. वेळेवरही बंधनं येऊ शकतात. जेणेवरून भाविक फक्त दिवसाच कुंभमेळ्यात सहभागी होतील.