जनतेकडून वाढदिवसाची भेट उद्या मिळणार, लालूंचा तेजस्वींना आशीर्वाद

रांची : बिहार विधानसभा निवडणूक २०२० दरम्यान महाआघाडीचे मुख्यमंत्रीपदाचे उमेदवार तेजस्वी यादव (Tejashwi Yadav) यांना आपल्या वडील आणि राष्ट्रीय जनता दलाचे अध्यक्ष लालू प्रसाद यादव (Lalu Prasad Yadav) यांच्याकडूनही वाढदिवसाच्या शुभेच्छा मिळाल्या आहेत. आज तेजस्वी यादव यांनी आपल्या वयाच्या ३१ वर्ष पूर्ण केली आहेत.

तेजस्वी यादव यांच्यावर शुभेच्छांचा वर्षाव होत असतानाच वडिलांकडून मिळालेल्या शुभेच्छा आणि विजयाचा आशीर्वाद त्यांच्यासाठी खास ठरलाय. करोना संक्रमणाच्या पार्श्वभूमीवर, रांचीच्या 'रिम्स' संचालकांच्या रिकाम्या पडलेल्या 'केली' बंगल्यात लालूप्रसाद यादव यांना हलवण्यात आलं होतं.
elections
अनेक चॅनलच्या एक्झिट पोलमुळे यादव पिता-पुत्रांना मोठा उत्साह मिळालाय. तणाव कमी झाल्यानं लालूंच्या तब्येतीत लवकर सुधारणा होण्याची शक्यता डॉक्टरांकडून व्यक्त करण्यात आलीय.

वाचा : तरुणांना नोकरी न मिळाल्यास ते बंदूक उचलतील: मेहबूबा मुफ्ती
वाचा : 'बायडन यांच्याद्वारे अनुच्छेद ३७० पुन्हा लागू होणार', काँग्रेस नेत्यांचं वादग्रस्त वक्तव्य

मिळालेल्या माहितीनुसार, आरजेडी अध्यक्ष लालूप्रसाद यादव यांच्याशी संवाद साधण्यासाठी तेजस्वी यादव यांनी शनिवार तीन वेळा त्यांच्या सेवादारांना फोन केला. तेजस्वी यांनी आपल्या वाढदिवसाला रात्री १२.०० वाजता वडिलांकडून आशीर्वाद घेण्यासाठी त्यांच्या सेवादारांच्या क्रमांकावर फोन केला होता. परंतु, तेव्हा लालूप्रसाद यादव झोपले होते.

त्यामुळे तेजस्वी यांनी सकाळी ६.०० वाजताच लालूंना पुन्हा एकदा संपर्क करण्याचा प्रयत्न केला. परंतु, याहीवेळेस त्यांचं संभाषण होऊ शकलं नाही. त्यानंतर लालूंची सकाळी झोप पूर्ण झाल्यानंतर त्यांनी तेजस्वी यांच्याशी फोनवर संपर्क साधला. यावेळी लालूंनी तेजस्वींना वाढदिवसाच्या शुभेच्छा देतानाच विजयाचे आशीर्वादही दिले.

उल्लेखनीय म्हणजे, उद्या १० नोव्हेंबर रोजी बिहार विधानसभा निवडणूक निकाल जाहीर होणार आहेत. आरजेडी कार्यकर्त्यांनी मात्र आजपासूनच विजयाचा जल्लोष सुरू केलेला दिसतोय.

वाचा : Coronavirus in India : एका दिवसात आढळले ४५,९०३ रुग्ण
वाचा : PHOTO : पंतप्रधान मोदी - लालकृष्ण आडवाणींच्या भेटीचे काही क्षण