जम्मू-काश्मीरः हंदवाडामध्ये २ दहशतवादी ठार

मटा ऑनलाइन वृत्त । श्रीनगर

जम्मू-काश्मीरच्या हंदवाडामधील वारीपोर परिसरात रविवारी दहशतवादी आणि सुरक्षा दल यांच्यात जोरदार चकमक झाली. या चकमकीत सुरक्षा दलाच्या गोळीबारात 'लष्कर ए तोयबा'चे २ दहशतवादी ठार झाले.

दहशतवादी या परिसरात लपल्याची माहिती सुरक्षा दलाला मिळाली होती. ही माहिती मिळताच सुरक्षा दलाने या परिसराला घेराव घालून शोधमोहिम हाती घेतली. सुरक्षा दलाने शोधमोहिम सुरू करताच लपलेल्या दहशतवाद्यांनी सुरक्षा दलाच्या दिशेने गोळीबार सुरू केला. सुरक्षा दलानेही त्याला जोरदार प्रत्युत्तर दिले. सुरक्षा दलाच्या गोळीबारात दोन दहशतवादी ठार झाले.
#FLASH 2 Lashkar-e-Taiba terrorists killed in an encounter between terrorists&security personnel at Handwara's Waripora. Search operation on — ANI (@ANI_news) May 14, 2017
गेल्या काही दिवसांपासून जम्मू-काश्मीरमध्ये दहशतवाद्यांच्या कारवायांमध्ये वाढ झाली आहे. राज्याच्या पोलीस महासंचालकांनी याला दुजोरा देत वर्षभरात ९५ तरुणांनी दहशतवादाचा मार्ग धरल्याची माहिती दिली होती.