लष्करावर हल्ल्याचे ‘तैयबा’चे नियोजन

नवी दिल्ली : भारतीय लष्कर, निमलष्करी दलांवर मोठ्या हल्ल्याचे नियोजन लष्करे तैयबा या दहशतवादी संघटना करीत असल्याचा इशारा गुप्तहेर खात्याने दिला आहे.

लष्करे तैयबाचा काश्मीरचा प्रमुख अबू दुजाना याच्यासह दहा इतर दहशतवादी हल्ल्याचे नियोजन करीत आहेत. पाकिस्तानस्थित इतर दहशतवादी संघटनांचा त्यांना पाठिंबा आहे. दुजाना आणि संघटनेच्या इतर म्होरक्यांमध्ये झालेला संवाद भेदण्यात सुरक्षा दलांना यश आले आहे. त्यानुसार हल्ल्यासंदर्भातील सर्व माहिती पाकिस्तानमधून दिली जात आहे. तसेच, एका ठिकाणाहून दुसरीकडे जात असताना ‘सीमा सुरक्षा बल’ (बीएसएफ)च्या किंवा लष्करातील जवानांकडील शस्त्रे लुटून आणणाऱ्यांना एक लाख रुपयांचे बक्षीस जाहीर केले आहे. आश्चर्याची बाब म्हणजे भारतावर हल्ला करण्याची स्वप्ने बघणाऱ्या दहा दहशतवाद्यांपैकी केवळ चार जणांकडेच शस्त्रे आहेत.