सलिल मेकाद, इंदूर
५०० आणि १००० रुपयांच्या नोटा चलनातून बाद करण्यात आल्यानंतर नोटा बदली करण्यासाठी नागरिकांनी बॅंकेत धाव घेतली असतानाच एका आंधळ्या भिकाऱ्यानेही ९८ हजारांच्या नोटा बदलून घेण्यासाठी ग्रामपंचायतीकडे धाव घेतली आहे.
मध्य प्रदेशातील सीताराम नावाच्या दृष्टीहिन (अंध) भिकाऱ्याकडे ९८ हजार रुपये किंमतीच्या पाचशे आणि हजाराच्या नोटा आहेत. या नोटा बदलून घेण्यासाठी त्यानं पंचायतीकडे धाव घेतली असून नोटा बदलून देण्याची विनंती केली आहे. सीतारामचे कोणत्याही बॅंकेत खाते नसल्याने त्याचे पैसे कसे बदलायचे हा प्रश्न ग्रामपंचायतीला पडला आहे. माझ्याजवळ असलेले ९८ हजार रुपये ही माझी जीवनभराची कमाई आहे. मला आता सांगितले जातेय की, या पैशांचे काहीच महत्व नाही, तो कचरा आहे, असं सीताराम सांगतो. सीतारामने सिया गावाजवळ रस्त्यांवर बसून भीक मागून गेल्या २० वर्षात ९८ हजार रुपये कमावले आहेत, असे ग्राम पंचायतचे सचिव ऐजाज पटेल यांनी सांगितले.
सीताराम अंध असल्याने त्यानं हा पैसा त्याच्या ओळखीच्या व्यक्तीकडे ठेवला होता. परंतु ५०० आणि १००० च्या नोटा चलनातून बाद करण्यात आल्यानंतर त्या व्यक्तीने त्या सर्व नोटा सीतारामला परत केल्या आहेत. सीताराम हा दोन दशकापूर्वी पत्नीसह राजस्थानमधून इंदूरमध्ये आला होता. अंध असल्याने सीतारामला कोणतीही नोकरी मिळाली नाही म्हणून त्यानं भीक मागणं सुरू केले, असे पटेल यांनी सांगितले. सीतारामचे बॅंकेत खाते खोलण्यासाठी ग्रामपंचायत मदत करणार असल्याचेही पटेल म्हणाले.
५०० आणि १००० रुपयांच्या नोटा चलनातून बाद करण्यात आल्यानंतर नोटा बदली करण्यासाठी नागरिकांनी बॅंकेत धाव घेतली असतानाच एका आंधळ्या भिकाऱ्यानेही ९८ हजारांच्या नोटा बदलून घेण्यासाठी ग्रामपंचायतीकडे धाव घेतली आहे.
मध्य प्रदेशातील सीताराम नावाच्या दृष्टीहिन (अंध) भिकाऱ्याकडे ९८ हजार रुपये किंमतीच्या पाचशे आणि हजाराच्या नोटा आहेत. या नोटा बदलून घेण्यासाठी त्यानं पंचायतीकडे धाव घेतली असून नोटा बदलून देण्याची विनंती केली आहे. सीतारामचे कोणत्याही बॅंकेत खाते नसल्याने त्याचे पैसे कसे बदलायचे हा प्रश्न ग्रामपंचायतीला पडला आहे. माझ्याजवळ असलेले ९८ हजार रुपये ही माझी जीवनभराची कमाई आहे. मला आता सांगितले जातेय की, या पैशांचे काहीच महत्व नाही, तो कचरा आहे, असं सीताराम सांगतो. सीतारामने सिया गावाजवळ रस्त्यांवर बसून भीक मागून गेल्या २० वर्षात ९८ हजार रुपये कमावले आहेत, असे ग्राम पंचायतचे सचिव ऐजाज पटेल यांनी सांगितले.
सीताराम अंध असल्याने त्यानं हा पैसा त्याच्या ओळखीच्या व्यक्तीकडे ठेवला होता. परंतु ५०० आणि १००० च्या नोटा चलनातून बाद करण्यात आल्यानंतर त्या व्यक्तीने त्या सर्व नोटा सीतारामला परत केल्या आहेत. सीताराम हा दोन दशकापूर्वी पत्नीसह राजस्थानमधून इंदूरमध्ये आला होता. अंध असल्याने सीतारामला कोणतीही नोकरी मिळाली नाही म्हणून त्यानं भीक मागणं सुरू केले, असे पटेल यांनी सांगितले. सीतारामचे बॅंकेत खाते खोलण्यासाठी ग्रामपंचायत मदत करणार असल्याचेही पटेल म्हणाले.