अ‍ॅपशहर

लॉकडाऊन : पोलिसांच्या मारहाणीत शेतकऱ्याचा मृत्यू

लॉकडाऊन उल्लंघनासाठी शेतकऱ्याला पोलिसांकडून मारहाण झाली होती. त्यानंतर तीन दिवसांनी या शेतकऱ्याचा मृत्यू झालाय. मृत्यूपूर्वी या शेतकऱ्यानं एका व्हिडिओत पोलिसांनी केलेल्या मारहाणीबद्दल माहिती दिलीय. त्यानंतर पाच पोलिसांना निलंबित करण्यात आलंय

महाराष्ट्र टाइम्स.कॉम 20 Apr 2020, 7:16 pm
जबलपूर : लॉकडाऊन दरम्यान पोलिसांनी केलेल्या मारहाणीनंतर एका शेतकऱ्याचा मृत्यू झाल्याचा आरोप ग्रामस्थांनी केलाय. जबलपूरच्या गोराबाजार परिसरात ही घटना घडलीय. लॉकडाऊनचं उल्लंघन केल्याप्रकरणी तीन दिवसांपूर्वी बन्शीलाल यांना पोलिसांकडून मारहाण झाल्याची घटना घडली होती. ते आपल्या शेतातून घरी परतत होते. मारहाणीनंतर त्यांची प्रकृती बिघडल्यानं त्यानं रुग्णालयात दाखल करण्यात आलं होतं. रविवारी रात्री उपचारादरम्यान त्यांनी अखेरचा श्वास घेतला.
महाराष्ट्र टाइम्स.कॉम पोलिसांच्या मारहाणीत शेतकऱ्याचा मृत्यू


लॉकडाऊन दरम्यान ड्युटीवर असणाऱ्या पोलिसांनी बन्शीलाल यांना रोखलं होतं. त्यांची चौकशी करताना पोलिसांकडून त्यांना मारहाणही करण्यात आली होती. या मारहाणीचे निशाणही त्यांच्या कंबरेच्या खाली स्पष्टपणे दिसत होते. मारहाणी दरम्यान बन्शीलाल बेशुद्ध पडले तेव्हा पोलीस तिथून निघून गेले.

वाचा : अॅम्ब्युलन्स बोलावणाऱ्या महिलेला १८ हजारांचा गंडा
वाचा : सुट्टीवर गेलेल्या जवानांना परतण्याचे आदेश

त्यानंतर उपस्थितांनी बन्शीलाल यांना उचलून घरी पोहचवलं. दोन दिवसांनंतर बन्शीलाल यांची तब्येत खालावली. कुटुंबीयांनी त्यांना रुग्णालयात दाखल केलं परंतु, त्यांचे प्राण वाचवण्यात डॉक्टरांना यश आलं नाही.

मृत्यूपूर्वी एका व्हिडिओत बन्शीलाल यांनी पोलिसांकडून झालेल्या मारहाणीबद्दल माहिती दिली होती. त्यांच्या मृत्यूनंतर मात्र ग्रामस्थ संतप्त झाले. बन्शीलाल यांचे कुटुंबीय आणि काही ग्रामस्थ गोराबाजार पोलीस स्टेशनमध्ये दाखल झाले. दोषी पोलिसांविरुद्ध कारवाई करण्याची मागणी त्यांनी केली.

या घटनेची माहिती मिळाल्याननंतर एसपी अमित सिंह यांनी एएसआयसहीत पाच पोलिसांना निलंबित केलंय.

या घटनेनंतर राज्यसभा खासदार विवेक तन्खा यांनी सरकारला या प्रकरणात योग्य कारवाईची मागणी करताना शेतकऱ्याच्या कुटुंबीयांना आपल्याकडून 25 हजार रुपयांची मदत जाहीर केलीय. तसंच तन्खा यांनी शेतकऱ्याच्या दोन मुलांच्या शिक्षण खर्चाची जबाबदारी घेणार असल्याचंही सांगितलंय.

वाचा : दिलासा! देशातील करोना रुग्ण वाढीचा वेग आणखी घसरला
वाचा : पालघर जमावाकडून हत्या : योगी आदित्यनाथांचा उद्धव ठाकरेंना फोन

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज