लॉकडाउन: माहेरी न नेल्याने पत्नीची आत्महत्या

नोएडा: कोरोना विषाणूच्या साथीमुळे देशात सुरू असलेल्या लॉकडाउनमध्ये काही धक्कादायक घटनाही घडताना दिसत आहेत. उत्तर प्रदेशच्या ग्रेटर नोएडामध्ये लॉकडाउनमुळे पतीने पत्नीला तिच्या माहेरी नेण्यास नकार दिला. याचा राग आल्याने पत्नीने पंख्याला गळफास लावून घेतला. यात पत्नीचा मृत्यू झाला. घटनेची माहिती मिळताच पोलिस घटनास्थळी पोहोचले आणि त्यांनी मृतदेह ताब्यात घेतला.

दादरी ब्रह्मपुरी परिसरातील कालका मंदिराजवळ ही घटना घडली. ब्रह्मपुरी परिसरातील रहिवासी अमित कुमार याचे लग्न सुमारे १४ महिन्यांपूर्वी हरियाणाच्या फरीदाबाद येथे राहणाऱ्या हेमलता हिच्याशी झाले होते. दोघांनाही मूलबाळ नाही. त्यामुळेच ती महिला खूप अस्वस्थ असायची, असे परिसरातील लोक सांगतात. दरम्यान शुक्रवारी हेमलता हिचे पती गहू घेण्यासाठी पत्नीच्या माहेरी निघाले होते. यावेळी हेमलतानेही सोबत येण्याचा आग्रह धरला, पण लॉकडाऊनमुळे अमितने तिला सोबत घेतले नाही.

लालूप्रसाद यादव यांना करोनाचा धोका?

ओढणीच्या सहाय्याने घेतला गळफास

अमित निघून गेल्यानंतर संतप्त हेमलताने पंख्याला लटकून गळफास घेतला. हेमलताने गळफास घेतल्याचे पाहून कुटुंबीयांनी आरडाओरड कऱण्यास सुरुवात केली. यानंतर शेजार्‍यांनी माहिती दिल्यानंतर पोलिस घटनास्थळी दाखल झाले. त्यांनी मृतदेहाचा पंचनामा केला आणि मृतदेह पोस्टमॉर्टमसाठी पाठविला. हेमलताला माहेरी जायचे होते, मात्र नवऱ्याने तिला सोबत नेले नसल्यानेच हेमलताने आत्महत्याचे केल्याची माहिती ग्रेटरएसीपी ग्रेटर नोएडाचे सहायक पोलिस आयुक्त सतीश कुमार शर्मा यांनी सांगितले. शवविच्छेदनाचा अहवाल आल्यानंतर या प्रकरणी पोलिस पुढील तपास सुरू करतील असे पोलिसांनी सांगितले.

करोना झाल्याच्या संशयावरून तरुणाची आत्महत्या

कोरोनाचा जीनोम सिक्वेंस सापडला, होणार 'हे' फायदे

सार्वजनिक ठिकाणी थुंकल्यास २०० नाही, २०००₹ दंड