चंदिगड : सीमा सुरक्षा दलातून (बीएसएफ) बडतर्फ करण्यात आलेला जवान तेजबहादुर यादव वाराणसी मतदारसंघातून पंतप्रधान नरेंद्र मोदी यांच्याविरुद्ध निवडणूक लढवणार आहे. भारतीय लष्करातील भ्रष्टाचार संपुष्टात आणण्यासाठी मी निवडणूक लढवत आहे, असे तेजबहादुरने माध्यमांशी बोलताना सांगितले.
'एक सैनिक आणि चौकीदार यांच्यातील लढाई कशी असणार?', असा प्रश्न चाहत्यांना करत तेजबहादुरने निवडणुकीचे रणशिंग फुंकले आहे. 'नरेंद्र मोदी सत्तेत आल्यानंतर मी भारतीय लष्करातील भ्रष्टाचार समोर आणण्याचा प्रामाणिक प्रयत्न केला मात्र त्याबदल्यात मला नोकरीतून काढून टाकण्यात आले, अशी व्यथा मांडतानाच माझी भ्रष्टाचाराविरुद्धची लढाई मी आता जनतेच्या दरबारात घेऊन जात आहे आणि मला जनतेचा पाठिंबा नक्कीच मिळेल, असा विश्वास तेजबहादुरने व्यक्त केला. तेजबहादुरने याबाबत एक फेसबुक पोस्टही लिहिली आहे.
तेजबहादुर हरयाणातील रेवारी येथील राहणारा असून बीएसएफमध्ये निकृष्ट दर्जाचे खाद्यपदार्थ मिळत असल्याचा व्हिडिओ रेकॉर्ड करून त्याने जानेवारी २०१७ मध्ये सोशल मीडियावर पोस्ट केला होता. हा व्हिडिओ अवघ्या तीन दिवसांत तब्बल ९० लाख लोकांनी पाहिला होता तर ४.४ लाख लोकांनी शेअर केला होता. त्यानंतर १९ एप्रिल २०१७ रोजी तेजबहादुरला बीएसएफमधून काढून टाकण्यात आले होते. त्याला पेन्शनही नाकारण्यात आले होते. त्याविरोधात तेजबहादुरने पंजाब आणि हरयाणा हायकोर्टात धाव घेतली असून कोर्टात त्याची याचिका प्रलंबित आहे.
'एक सैनिक आणि चौकीदार यांच्यातील लढाई कशी असणार?', असा प्रश्न चाहत्यांना करत तेजबहादुरने निवडणुकीचे रणशिंग फुंकले आहे. 'नरेंद्र मोदी सत्तेत आल्यानंतर मी भारतीय लष्करातील भ्रष्टाचार समोर आणण्याचा प्रामाणिक प्रयत्न केला मात्र त्याबदल्यात मला नोकरीतून काढून टाकण्यात आले, अशी व्यथा मांडतानाच माझी भ्रष्टाचाराविरुद्धची लढाई मी आता जनतेच्या दरबारात घेऊन जात आहे आणि मला जनतेचा पाठिंबा नक्कीच मिळेल, असा विश्वास तेजबहादुरने व्यक्त केला. तेजबहादुरने याबाबत एक फेसबुक पोस्टही लिहिली आहे.
तेजबहादुर हरयाणातील रेवारी येथील राहणारा असून बीएसएफमध्ये निकृष्ट दर्जाचे खाद्यपदार्थ मिळत असल्याचा व्हिडिओ रेकॉर्ड करून त्याने जानेवारी २०१७ मध्ये सोशल मीडियावर पोस्ट केला होता. हा व्हिडिओ अवघ्या तीन दिवसांत तब्बल ९० लाख लोकांनी पाहिला होता तर ४.४ लाख लोकांनी शेअर केला होता. त्यानंतर १९ एप्रिल २०१७ रोजी तेजबहादुरला बीएसएफमधून काढून टाकण्यात आले होते. त्याला पेन्शनही नाकारण्यात आले होते. त्याविरोधात तेजबहादुरने पंजाब आणि हरयाणा हायकोर्टात धाव घेतली असून कोर्टात त्याची याचिका प्रलंबित आहे.