वाराणसी : अवघ्या देशाचे लक्ष लागलेल्या उत्तर प्रदेशातील वाराणसी मतदारसंघातून समाजवादी पक्ष आणि बसपा महाआघाडीने अखेर पंतप्रधान नरेंद्र मोदी यांच्याविरुद्ध सीमा सुरक्षा दलाचे (बीएसएफ) बडतर्फ जवान तेज बहादूर यादव यांना उमेदवारी दिली आहे.
सपा-बसपा आघाडीत वाराणसीची जागा सपाच्या वाट्याला आली असून सपाने येथून शालिनी यादव यांना आधी उमेदवारी जाहीर केली होती. दरम्यान, उमेदवारी अर्ज दाखल करण्याच्या आजच्या अखेरच्या दिवशी वाराणसीच्या उमेदवारीवरून बरीच खलबतं झाली. शालिनी यादव आणि तेज बहादूर यादव या दोघांनीही आपापले उमेदवारी अर्ज दाखल केले. त्यानंतर वाराणसीत तेज बहादूर हेच सपाचे अधिकृत उमेदवार असणार आहेत. शालिनी आपला उमेदवारी अर्ज मागे घेतील, असे सपाकडून स्पष्ट करण्यात आले.
तेज बहादूर यांनी आज आपला उमेदवारी अर्ज दाखल केला तेव्हा सपाचे प्रदेश प्रवक्ते मनोज राय धूपचंडी त्यांच्यासोबत होते. त्यांनीही शालिनी यादव माघार घेतील, असे सांगितले.
अखिलेश यांची घेतली भेट
तेज बहादूर यांनी याआधीही अपक्ष म्हणून उमेदवारी अर्ज दाखल केला होता. काही कारणाने हा अर्ज फेटाळण्यात आला होता. त्यानंतर सपाच्या अधिकृत उमेदवारीसाठी त्यांनी अखिलेश यादव यांची भेट घेतली होती. सूत्रांच्या म्हणण्यानुसार, तेज बहादूर यांचा अर्ज छाननीत वैध ठरल्यावर उमेदवारी अर्ज मागे घेण्याच्या शेवटच्या दिवशी २ मे रोजी शालिनी आपला उमेदवारी अर्ज मागे घेणार आहेत.
कोण आहे तेज बहादूर यादव?
तेज बहादूर यांनी बीएसएफमध्ये जवानांना मिळत असलेल्या निकृष्ट दर्जाच्या अन्नपदार्थांबाबत आवाज उठवला होता. त्याचे व्हिडिओ त्यांनी सोशल मीडियावर पोस्ट केले होते. हे व्हिडिओ प्रचंड व्हायरल झाले होते. त्यानंतर याप्रकरणी चौकशी होऊन तेज बहादूर यांना बडतर्फ करण्यात आले होते.
सपा-बसपा आघाडीत वाराणसीची जागा सपाच्या वाट्याला आली असून सपाने येथून शालिनी यादव यांना आधी उमेदवारी जाहीर केली होती. दरम्यान, उमेदवारी अर्ज दाखल करण्याच्या आजच्या अखेरच्या दिवशी वाराणसीच्या उमेदवारीवरून बरीच खलबतं झाली. शालिनी यादव आणि तेज बहादूर यादव या दोघांनीही आपापले उमेदवारी अर्ज दाखल केले. त्यानंतर वाराणसीत तेज बहादूर हेच सपाचे अधिकृत उमेदवार असणार आहेत. शालिनी आपला उमेदवारी अर्ज मागे घेतील, असे सपाकडून स्पष्ट करण्यात आले.
तेज बहादूर यांनी आज आपला उमेदवारी अर्ज दाखल केला तेव्हा सपाचे प्रदेश प्रवक्ते मनोज राय धूपचंडी त्यांच्यासोबत होते. त्यांनीही शालिनी यादव माघार घेतील, असे सांगितले.
अखिलेश यांची घेतली भेट
तेज बहादूर यांनी याआधीही अपक्ष म्हणून उमेदवारी अर्ज दाखल केला होता. काही कारणाने हा अर्ज फेटाळण्यात आला होता. त्यानंतर सपाच्या अधिकृत उमेदवारीसाठी त्यांनी अखिलेश यादव यांची भेट घेतली होती. सूत्रांच्या म्हणण्यानुसार, तेज बहादूर यांचा अर्ज छाननीत वैध ठरल्यावर उमेदवारी अर्ज मागे घेण्याच्या शेवटच्या दिवशी २ मे रोजी शालिनी आपला उमेदवारी अर्ज मागे घेणार आहेत.
कोण आहे तेज बहादूर यादव?
तेज बहादूर यांनी बीएसएफमध्ये जवानांना मिळत असलेल्या निकृष्ट दर्जाच्या अन्नपदार्थांबाबत आवाज उठवला होता. त्याचे व्हिडिओ त्यांनी सोशल मीडियावर पोस्ट केले होते. हे व्हिडिओ प्रचंड व्हायरल झाले होते. त्यानंतर याप्रकरणी चौकशी होऊन तेज बहादूर यांना बडतर्फ करण्यात आले होते.