Lok Sabha ruckus : १० खासदारांवर निलंबनाची टांगती तलवार? पेगासस प्रकरणी लोकसभा अध्यक्षांच्या दिशेने कागदपत्रे भिरकावली

नवी दिल्लीः पेगासस हेरगिरी प्रकरण, महागाई आणि कृषी कायद्यांविरोधात संसदेत विरोधकांनी बुधवारी गदारोळ ( Lok Sabha ruckus ) केला. लोकसभेत विरोधी पक्षाच्या काही खासदारांनी लोकसभा अध्यक्ष ओम बिर्ला यांच्या दिशेने कागदपत्रे भिरकावली आणि 'खेला होबे' अशी घोषणाबाजी ( opposition mps likely to be suspended ) केली. यामुळे सभागृहाचं कामकाज दुपारी १२.३० पर्यंत आणि नंतर २ वाजेपर्यंत तहकूब करावं लागलं.

लोकसभेचं कामकाज दुपारी २ वाजता सुरू होताच पुन्हा विरोधकांनी गदारोळ केला. यामुळे पुन्हा ३ वाजेपर्यंत लोकसभेचं कामकाज तहकूब करावं लागलं. त्यानंतर पुन्हा गदारोळ झाल्याने ४ वाजेपर्यंत तहकूब केलं गेलं. यानंतर कामकाज सुरू होताच गदारोळ सुरूच राहिला. यामुळे उद्या सकाळी ११ वाजेपर्यंत सभागृहाचं कामकाज तहकूब करण्यात आलं.

लोकसभा अध्यक्षांच्या दिशेने कागदपत्रे भिकारल्याने आणि सभागृहात गैरवर्तन केल्या प्रकरणी लोकसभेतील १० खासदारांना निलंबित केले जाऊ शकते, असं सूत्रांनी सांगितलं. एएनआयने हे वृत्त दिलं आहे. गुरजित सिंग औजला, टी. एन. प्रथापन, मणिकम टागोर, रवनीत सिंग बिट्टू, हिबी ईडेन, ज्योती मणी सेन्नमलई, सप्तगिरी संकर उलका, वी. वैथिलिंगम आणि ए. एम. आरीफ या खासदारांचं निलंबन होण्याची शक्यता आहे, असं एएनआयने म्हटलं आहे.

पेगॅसस हेरगिरी : काँग्रेस-राष्ट्रवादी-सेनेसहीत १४ विरोधी पक्षाच्या नेत्यांची बैठक

राज्यसभेतही कामकाज सुरू होताच विरोधी पक्षांनी गदारोळ केला. यामुळे सभागृहाचं कामकाज आधी दुपारी १२ वाजेपर्यंत तहकूब करावं लागलं. यानंतर १२ वाजता कामकाज सुरू झाल्यावर विरोधकांचा गदारोळ सुरूच होता. यामुळे दुपारी २ वाजेपर्यंत कामकाज तहकूब केलं गेलं. दुपारी २ वाजता कामकाज सुरू झाल्यावर सभागृहात जुवेनाइल जस्टिस (केअर अँड प्रोटेक्शन ऑप चिल्ड्रेन ) सुधारणा विधेयक-२०२१ मंजूर करण्यात आलं. पण सततच्या गदारोळामुळे सभागृहाचं कामकाज गुरुवारी सकाळी ११ वाजेपर्यंत तहकूब केलं गेलं.

Pegasus Scandal: 'एकच प्रश्न... भारत सरकारनं पेगॅसस खरेदी केलं की नाही?'

१४ विरोधी पक्षा एकजूट

संसदेबाहेर समविचारी १४ विरोधी पक्षांची एक महत्त्वाची बैठक झाली. या बैठकीत सरकारला घेरण्याची रणनीती बनवण्यात आली. पेगासस हेरगिरी प्रकरण, महागाई आणि शेतकऱ्यांच्या मुद्द्यांशी कुठलीही तडजोड करणार नाही, असं राहुल गांधी यांनी बैठकीनंतर सांगितलं.