लोकमान्य टिळक एक्स्प्रेसचे ११ डबे घसरले

मटा ऑनलाइन वृत्त । बरेली (उत्तर प्रदेश)

लोकमान्य टिळक सुपरफास्ट एक्स्प्रेसचे ११ डब्बे आज उत्तर प्रदेशमधील उन्नाव रेल्वे स्टेशनवर घसरले. एक्स्प्रेसचे ११ डब्बे रेल्वे रुळावरून घसरले असले तरी यात कोणीही जखमी झाले नाही, अशी माहिती मिळत आहे.

मुंबईवरून उत्तर प्रदेशात जाणाऱ्या रेल्वे २२१२१ या क्रमांकाची लोकमान्य टिळक एक्स्प्रेस दुपारी पावने दोनच्या सुमारास उन्नाव रेल्वे स्टेशनवर पोहोचणार तेव्हढ्याच या एक्स्प्रेसच ११ डबे रेल्वे रूळावरून घसरले. गाडीचा वेग खूपच कमी असल्याने यात कोणती जखमी झाले नाही. या गाडीचे बी २ ते बी ११ हे डब्बे घसरल्याची माहिती रेल्वेचे वरिष्ठ अधिकारी शिवेंद्र शुक्ला यांनी 'टाइम्स ऑफ इंडिया'शी बोलताना दिली.



लोकमान्य टिळक एक्स्प्रेसच्या प्रवाशांसाठी लखनऊहून उन्नावला रेल्वे पाठवण्यात आली. तसेच या अपघातामागे दहशतवादांचा काही संबंध तर नाही ना या दृष्टीने तपास करण्यासाठी दहशतवाद विरोधी पथक पाठवण्यात आल्याची माहिती अधिकाऱ्याने दिली.