अ‍ॅपशहर

'त्या' भाजप पदाधिकाऱ्यावर गुन्हा

पश्चिम बंगालच्या मुख्यमंत्री ममता बॅनर्जी यांचा शिरच्छेद करणाऱ्यास ११ लाख रुपयांचं बक्षिस देण्याची घोषणा करणाऱ्या भाजपच्या युवा नेत्याविरोधात तृणमूल काँग्रेसच्या तक्रारीवरून गुन्हा दाखल करण्यात आला आहे. या प्रकरणाचे आज संसदेतही तीव्र पडसाद उमटले.

Maharashtra Times 12 Apr 2017, 4:34 pm
मटा ऑनलाइन वृत्त । नवी दिल्ली
महाराष्ट्र टाइम्स.कॉम loksabha condemns offer of a bounty on mamata banerjee head
'त्या' भाजप पदाधिकाऱ्यावर गुन्हा


पश्चिम बंगालच्या मुख्यमंत्री ममता बॅनर्जी यांचा शिरच्छेद करणाऱ्यास ११ लाख रुपयांचं बक्षिस देण्याची घोषणा करणाऱ्या भाजपच्या युवा नेत्याविरोधात तृणमूल काँग्रेसच्या तक्रारीवरून गुन्हा दाखल करण्यात आला आहे. या प्रकरणाचे आज संसदेतही तीव्र पडसाद उमटले.

अलीगढमधील भारतीय जनता युवा मोर्चाचे माजी मंडल अध्यक्ष योगेश वार्ष्णेय यांनी ममतांच्या शिरच्छेदासाठी बक्षिस जाहीर केलं होतं. याप्रकरणी गुन्हा दाखल करण्यात आल्याचे अलीगढचे विशेष पोलीस अधीक्षक राजेश कुमार पांडे यांनी सांगितले.

लोकसभेत तृणमूल काँग्रेसचे खासदार सौगत रॉय यांनी हा मुद्दा उचलला. मुख्यमंत्री पदावरील व्यक्तीबाबत असं विधान करणं ही अत्यंत गंभीर बाब असून हे प्रक्षोभक वक्तव्य करणाऱ्या भाजप कार्यकर्त्यावर कठोर कारवाई व्हायला हवी, अशी मागणी त्यांनी केली. काँग्रेस नेते मल्लिकार्जुन खर्गे यांनीही या घटनेचा निषेध केला. त्यानंतर संसदीय कार्य राज्य मंत्री अंनत कुमार यांनी हा निव्वळ माथेफिरूपणा असून याचा आम्ही निषेध करत आहोत. ममता बॅनर्जी या लोकनियुक्त मुख्यमंत्री असून त्यांचा पूर्ण सन्मान व्हायलाच हवा, अशी भावना त्यांनी व्यक्त केली. लोकसभा अध्यक्षा सुमित्रा महाजन यांनीही सर्वांनीच बोलताना तारतम्य बाळगायला हवं असं बजावलं. राज्यसभेतही या घटनेचे पडसाद उमटले. संसदीय कार्य राज्य मंत्री मुख्तार अब्बास नकवी यांनी या घटनेचा निषेध करून राज्य सरकार या प्रकरणी कायदेशीर कारवाई करण्यास स्वतंत्र आहे, असे स्पष्ट केले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज